FIFA paralajmëron tjetër ndryshim në zhvillimin e ndeshjeve ndërkombëtare në pushimin mes ligave

FIFA ka vendosur të reduktojë numrin e ndeshjeve ndërkombëtare (mes pushimit kur ligat janë duke u zhvilluar) nga pesë në katër.

Lëvizja do të thotë se planet radikale të mbështetura nga Arsene Wenger për të kufizuar futbollin ndërkombëtar në dy pushime më të gjata janë lënë anash.

Si pjesë e planit të tyre për të riaktualizuar kalendarin global, organi qeverisës botëror propozoi dy orare alternative vitin e kaluar, ose me të gjitha kualifikimet që do të zhvillohen çdo tetor, ose dy pushime tre-javore në tetor dhe mars.

Lexo po ashtu Rregulli i 'çmendur' që synon ta inkuadrojë FIFA në "Katar 2022" pritet t'i acarojë lojtarët

Shumë shoqata futbolli kundërshtuan propozimet pasi ato do të ulnin vlerësimin e lojës ndërkombëtare, duke e bërë më të vështirë shitjen e biletave dhe FIFA tani është gati të tërhiqet.

Sipas një marrëveshjeje kompromisi që ka të ngjarë të ratifikohet përpara Kupës së Botës më vonë këtë vit, numri i pushimeve ndërkombëtare do të reduktohet nga pesë në katër, me dy nga to që do të zhvillohen në nëntor, mars dhe qershor plus një ndërprerje më të gjatë në të cilin çdo vend do të luante katër ndeshje në fillim të vjeshtës.

UEFA është e kënaqur me status quo-në e pesë pushimeve, por është e gatshme të pranojë kompromisin e FIFA-s, nga i cili do të përfitojnë përfaqësueset e tjera, lojtarët e të cilave duhet të përballen me kohë më të gjata udhëtimi. /Telegrafi/