FIFA konsideron zgjatjen e afatit kalimtar veror deri më 31 dhjetor shkaku i coronavirusit

FIFA thuhet se po mendon të zgjasë afatin e transferimeve të verës deri më 31 dhjetor, ndërsa skadimi i kontratave mund të zgjasë përtej 30 qershorit.

Kalendari evropian i futbollit mbetet në ajër ndërsa garat mbeten në pauzë që nga shpërthimi i coronavirusit të njohur si Covid-19.

Pasiguria ka implikime për sezonin e ardhshëm, me akoma vendime që duhet të merren nëse ligat profesionale të kontinentit do të anulohen ose do të lejohen të ecin përpara në muajt e ardhshëm.

Lexo po ashtu UEFA dhe FIFA po shqyrtojnë zgjatjen e afatit kalimtar pas coronavirusit

Sipas mediumit francez L’Equipe, FIFA po studion mundësinë e zgjatjes së afatit kalimtar të verës deri në fund të këtij viti kalendarik.

Afatet kalimtare verore në Evropë zakonisht mbahen midis korrikut dhe shtatorit, megjithëse disa nga vendet më të vogla fillojnë transferimet në qershor.

Sidoqoftë, ky është një rast unik për shkak të pandemisë Covid-19, duke u dhënë klubeve më pak kohë për të planifikuar të ardhmen me çdo ditë që kalon.

Lexo po ashtu FIFA në bashkëpunim me organizatat e tjera rreth futbollit pritet të marr disa vendime: Ulje pagash deri në 50 për qind, afat kalimtar katër muaj

Një zgjatje e tillë mund të zbatohet edhe për lojtarët me kontrata që skadojnë më 30 qershor, si këtë vit ashtu edhe atë tjetër.

Sipas dokumenteve të brendshme që shihet nga Reuters, ato kontrata mund të lejohen të funksionojnë deri në datat e reja të përfundimit të sezoneve 2019-20 dhe 2020-21. /Telegrafi/