Drejtorja e Institutit të Shëndetit Publik, Albana Fico thotë se procesi i vaksinimit në Shqipëri po ecën pa probleme. Por, ka gjasa që ndërkohë në vend të kenë arritur edhe mutacionet.
Pas arritjes së 7,020 dozave vaksinash nga kompania BioTech-Pfizer në Shqipëri në procesin e vaksinimit janë përfshirë Tirana, Vlora dhe Shkodra si pika kyçe dhe ndërkohë vaksinime po kryhen edhe në Fier, Elbasan dhe Gjirokastër, thotë në një intervistë për Deutsche Welle, drejtoresha e Institutit të Shëndetit Publik, Albana Fico.
Sipas saj vaksinimi po kryhet pa probleme.
Në “Planin Kombëtar të Vaksinimit kundër COVID-19” janë përcaktuar qartë grupet prioritare të popullsisë që do të marrin së pari vaksinën. Sipas planit, ka filluar vaksinimi i personelit të vijës së parë të luftës kundër COVID-19, pra ata në spitale, personeli i urgjencave, i reparteve të reanimacionit në spitalet COVID-19. Në të njëjtën kohë me vaksinimin e këtyre grupeve po bëhet edhe vaksinimi i personave që ndodhen në qendrat rezidenciale të të moshuarve.
Shqipëria ka nënshkruar marrëveshje të drejtëpërdrejtë me BioNTech-Pfizer dhe pret që të vijnë 500 mijë doza.
“Ndërkohë kemi nënshkruar edhe një marrëveshje me COVAX për një milion e njëqind e katërmbëdhjetë mijë doza vaksinash, që janë parapaguar me një fond prej 3.9 milionë dollarë. Po punohet në mënyrë intensive për të siguruar edhe marrëveshje të tjera të drejtpërdrejta me prodhues të vaksinave kundër COVID-19, që kanë kaluar filtrin e rregullatorëve strikt si Food and Drug Administration (FDA) apo European Medicine Agency (EMA)”, thotë Fico.
Bazuar ne testimet që kryhen në laboratorin e Virologjisë të Institutit të Shëndetit Publik ka dyshime të arsyeshme se në Shqipëri qarkullojnë ndërkohë shtamet mutante të virusit COVID-19 që njihen si virusi britanik apo afrikano jugor.
Drejtoresha e këtij institucioni thotë se, “kemi seleksionuar dhe dërguar mostra në laboratorë reference jashtë vendit dhe jemi në pritje të rezultateve”.
Pyetjen e DW-së se, nëse ka gjasa ka që rezultati i testeve që bëhen në Shqipëri për të ditur nëse je i infektuar ose jo me virusin COVID-19 mund të manipulohen, sikurse pretendohet në një lajm të botuar ditët e fundit në mediet greke, Albana Fico e kundërshton.
Sipas medieve greke shqiptarë të infektuar me virusin kalojnë kufirin me teste që janë negative dhe pasi hyjnë në tokën greke dalin pozitivë dhe kurohen së shumti në spitalet e Janinës.
Albana Fico u kundërvihet lajmeve të tilla.
“Absolutisht që nuk ka gjasa që kjo të ndodhë. Le të mos ngatërrojmë faktin që kryerja e testit për të zbuluar infektimin ose jo me virusin COVID-19 dhe marrja e rezultatit janë të lidhura ngushtë me kohën dhe ngarkesën virale në momentin e kryerjes së testit”, përfundon ajo. /Deutsche Welle/
Lufta Prigozhin - Putin
Më shumëNga Rubrika
Ruajtja e shumicës shqiptare në Komunën e Bujanocit, tri parti lidhin koalicion paszgjedhor
Togerja e Policisë së Kosovës fiton çmim ndërkombëtar për shërbim në komunitet
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Konkursi për gradimin e policëve, dyshohet për favorizime të familjarëve të eprorëve
Meta: Ambasadorin italian do ta kisha shpallur “non grata” në Shqipëri
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë