Federata Turke vjen me dënime të rënda për Trabzonsporin, dënohen edhe dy lojtarë të Fenerbahçes

Federata e Futbollit të Turqisë më në fund vendosi për kaosin pas ndeshjes mes Trabzonsporit dhe Fenerbahces, pasi tifozët vendas vrapuan në fushë dhe sulmuan mysafirët nga Stambolli.

Në mesin e muajit mars, skena të vërteta ‘horror’ u regjistruan në ndeshjen mes Trabzonit dhe Fenerbahces. Mysafirët po festonin një triumf të rëndësishëm dhe teksa ishin ende në fushë, tifozët vendas e çanë gardhin dhe filluan t’ sulmojnë lojtarët.

Tifozët e Trabzonsporit u vërsulën në fushë për të ndërprerë festën e lojtarëve të Fenerbahces, por fatmirësisht askush nuk u lëndua, edhe pse tifozët vendas mbanin armë të ftohta.

Më së keqi u godit portieri kroat Dominik Livakovic, i cili u godit me grusht në kokë, ndërsa shoku i tij i skuadrës Michy Batshuayi u pa teksa shpërndau disa shqelma.

Lexo po ashtu Kaos dhe dhunë në derbin e madh turk - Fenerbahce fiton si mysafir ndaj Trabzonspor, lojtarët sulmohen nga tifozët

Tani më në fund janë marrë vendimet për këtë incident. Trabzonspor është dënuar rëndë nga Federata e Futbollit të Turqisë.

Trabzonspor është gjobitur me gjashtë ndeshje pa tifozë, që do të jetë një goditje e rëndë për ta, por duhet të paguajë edhe një gjobë prej tre milionë e 112 mijë lirash ose rreth 90 mijë euro.

? Trabzonspor-Fenerbahçe maçının PFDK kararları açıklandı!

・ Trabzonspor’a 6 maç seyircisiz oynama ve 3 milyon 112 bin ₺ para cezası verildi!

・ Bright Osayi-Samuel’e ceza verilmedi.

・ Jayden Oosterwolde ve İrfan Can Eğribayat’a 1’er maç ceza verildi.

・ Egemen Korkmaz’a… pic.twitter.com/X4mcX87rE8

— 343 Digital (@343_digital) April 3, 2024

Lojtarët e Fenerbahces, Jayden Oosterwolde dhe Irfan Can Egribayat u pezulluan për nga një ndeshje, ndërsa ndihmës trajneri i Trabzonit, Egemen Korkmaz, gjithashtu me një ndeshje.

Ajo që është interesante është se lojtari i Fenerbahces, Bright Osayi-Samuel nuk u ndëshkua, edhe pse u përlesh me tifozët e Trabzonspor. Aleanca funksionoi në favor të tij, duke gjykuar se ai bëri gjithçka në vetëmbrojtje. /Telegrafi/