Dr. Anthony Fauci, eksperti më i njohur amerikan për sëmundjet infektive tha në një intervistë të botuar të enjten se arritja e imunitetit të tufës kundër koronavirusit mund të kërkojë nivele vaksinimi deri në 90 për qind. Më shumë se 1 milion amerikanë, ose vetëm rreth 0.3 për qind të popullsisë, kanë marrë dozën e parë të vaksinës që nga 14 dhjetori, sipas Qendrave për Kontrollin e Sëmundjeve.
Dr. Fauci, i cili shërben si këshilltar për pandeminë i Presidentit Donald Trump dhe i Presidentit të zgjedhur Joe Biden, pranoi se e kishte rritur në mënyrë të konsiderueshme vlerësimin e tij krahasuar me fillimin e vitit, kur ai thoshte se për të arritur imunitetin e turmës, mjaftonte vaksinimi i vetëm 60 – 70 për qind të popullatës.
“Duhet të tregohemi modestë në këtë rast”, tha Fauci për gazetën New York Times. “Sepse në fakt ne nuk e dimë se cili është niveli i vërtetë (i vaksinimit) që duhet arritur. Unë mendoj se diapazoni real është diku nga 70 në 90 për qind. Por nuk do të thosha 90 për qind.” Komentet e tij vijnë ndërkohë që vendi shënon rekorde të reja të zymta në luftën me pandeminë. Të mërkurën, SHBA raportoi më shumë se 3,000 vdekje për të dytën ditë radhazi. Numri i të vdekurve në SHBA arriti në 326,333 nga mesnata e të mërkurës, sipas të dhënave të Reuters.
Në të njëjtën ditë, më shumë amerikanë se çdo ditë tjetër udhëtuan me avion që nga shfaqja e pandemisë në mars. Sipas të dhënave të Administratës së Sigurisë së Transportit, 1,191,123 pasagjerë kaluan nëpër pikat e kontrollit të aeroporteve. Nga të dhënat del se shumë njerëz nuk i përfillin këshillat e ekspertëve të shëndetit publik për të shmangur udhëtimet me rastin e Krishtlindjes. Dr. Fauci dhe ekspertë të tjerë thonë se distancimi social do të kërkohet edhe për shumë muaj të vitit 2021 pas rritjes graduale të nivelit të vaksinimeve.
Numri i udhëtarëve ka rënë krahasuar me 23 dhjetorin e vitit 2019, kur pati 1,937,235 njerëz që udhëtuan me avion. Punonjësit e kujdesit shëndetësor, banorët e shtëpive për të moshuarit, një numër zyrtarësh të përzgjedhur dhe zjarrfikësit janë ndër ata që po marrin vaksinat e para. Shumicës së amerikanëve u është thënë se mund të duhen gjashtë muaj ose më shumë para se të vaksinohen.
Dr. Fauci, i cili u emërua drejtor i Institutit Kombëtar të Alergjive dhe Sëmundjeve Infektive më 1984, tha në intervistë se tani ishte më i gatshëm të zbulonte publikisht bindjet e tij, pasi sondazhet tregojnë se amerikanët po bëhen më pak skeptikë për vaksinat e reja. Sa më infektive është një sëmundje, aq më e lartë kërkohet shkalla e vaksinimit për të arritur pragun e imunitetit të turmës, që çon në frenimin e saj.
“Kur sondazhet tregonin se vetëm rreth gjysma e amerikanëve do ta bënin vaksinën, unë deklarova se për imunitetin e turmës do të duheshin 70 – 75 për qind,” tha Dr. Fauci, i cili të enjten mbushi 80 vjeç. “Pastaj, kur sondazhet e reja tregonin se 60 përqind ose më shumë ishin gati ta bënin vaksinën, unë mendova se mund ta shtyja pak pragun dhe e ngrita atë në 80 – 85 për qind,” tha ai. /VOA/
Promo
Reklamo këtuLufta Prigozhin - Putin
Më shumëNga Rubrika
Amerikanja dëgjoi zhurma të pazakonta poshtë krevatit dhe thirri policinë në panik – shtëpinë ia kishte shfrytëzuar pa leje një burrë për katër muaj
Penda e këtij zogu shitet për 26 mijë euro në Zelandë të Re – pronari nuk mund ta nxjerrë jashtë vendit pa leje
Scholz bën thirrje për thellim të bashkëpunimit ushtarak në Evropë
Për rezolutën e Srebrenicës, Perëndimi nuk ishte i izoluar siç tha Vuçiq - shumicën e bënë vendet e njohura si "Jugu Global"
Putini dëshiron "armëpushim sipas linjave aktuale të fushëbetejës", por çfarë nënkupton kjo?
Vuçiq: Sonte përfundoi karriera ime
SHBA: Ndarja nënkupton fund për Republikën Sërpska
Raketat ukrainase godasin Krimenë ndërsa Rusia nis stërvitjet bërthamore në atë zonë
Grupi i parë i pilotëve ukrainas diplomohet në trajnimin amerikan për F-16
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Vuçiq: Sonte përfundoi karriera ime
Hovenier: Njohja reciproke është qëndrim i administratës Biden, por s’mendojmë se do të ndodhë tani
Gjashtë lojtarë të Barcelonës që mund të mos kenë të ardhme nën drejtimin e Hansi Flick
Vetëm një shtet i BE-së votoi kundër rezolutës së OKB-së për gjenocidin në Srebrenicë
Man City e sheh ish-lojtarin e tyre si zëvendësuesin perfekt të Guardiolas
Skena të shëmtuara pas finales Trepça-Ylli: Përleshje në palestrën "Minatori" - theren dy persona