Fatjona Maliqi nga Gjilani është shpërblyer me çmimin “Münster Stella Award Klassik 2025”.
Ajo konsideron se ky është një vlerësim i rëndësishëm që i është ndarë për herë të parë dhe që njeh arritjet e saj ndërkombëtare dhe akademike.
Lajmin e ka bërë të ditur vetë Maliqi përmes një njoftimi, ku ka shprehur emocionet dhe mirënjohjen për këtë vlerësim të veçantë.
“Ndihem shumë e privilegjuar dhe e lumtur që më është ndarë çmimi ‘Münster Stella Award Klassik 2025’ për arritjet e mia internacionale dhe akademike. Një çmim që u nda për herë të parë,” ka shkruar ajo.
Maliqi thekson se pas performancës së saj, publiku ka reaguar me entuziazëm të jashtëzakonshëm, duke e duartrokitur disa herë në këmbë, si shenjë mirënjohjeje për koncertin që kishte dhuruar. /Telegrafi/
