Fansi hyn me forcë në skenë për Shakirën, këngëtarja largon rojet dhe e përqafon atë në mes të koncertit

Këngëtarja kolumbiane Shakira, vazhdon të jetë një prej këngëtareve më të komentuara në mbarë botën.

Ajo së fundmi ka mbajtur një koncert në Meksikë, ku si në çdo paraqitje tjetër, ka krijuar një atmosferë shumë të këndshme për fansat e saj.

Një moment shumë interesant i shënuar në këtë koncert ka qenë ai kur një fans është ngjitur në skenë, me dëshirën e madhe për ta përqafuar artisten.

E gjitha kjo ndodhi, kur ajo përfundoi së interpretuari këngën “La bicicleta”.

Lexo po ashtu Shakira pritet të performojë në hapjen e Urës së Ibrit në Mitrovicë?

Në atë moment, rojet e sigurisë kanë ndërhyrë në tentim për ta larguar fansin, por Shakira ka qenë ajo, e cila mënjanoi më pas rojet, për t’i lejuar fansit të zjarrtë çasjen tek ajo.

Në vend që ta largojë siç do të bënte çdokush, këngëtarja zgjodhi që të afrohet, dhe t’i japë mundësinë fansit që ta përqafojë.

Videoja në fjalë është shpërndarë gjithandej në rrjetet sociale.

Lexo po ashtu Fansi ngjitet në skenën e koncertit në tentim për ta përqafuar Duan, ndërhyjnë sigurimi

Një rast i tillë i kishte ndodhur edhe këngëtares shqiptare, Dua Lipa, muaj më parë në një koncert në Turqi, kur një fans kishte hyrë pa leje në skenë, dhe e kishte frikësuar këngëtaren. /Telegrafi/