Fansat mezi presin meçin ndërmjet Mayweather dhe McGregor, por cilët ishin duelet më të mëdha të boksit dhe MMA në të kaluarën (Foto)

Më 26 gusht, Conor McGregor do të jetë jashtë tetëkëndëshit, pasi do të hyjë në një ring boksi për t’u ndeshur me boksierin e pamposhtur, Floyd Mayweather, në një duel multimilionësh në Las Vegas të Nevadas.

Ky do të jetë meçi më i madh ku do të duelojnë sportistë nga artet e ndryshme luftarake – gjegjësisht një aplikues i arteve të përziera marciale (MMA) me një kampion boksi.

Mirëpo, kjo nuk është hera e parë që ndodh diçka e tillë. Boksierët dhe aplikuesit e arteve të përziera marciale janë ndeshur edhe në të kaluarën.

Lexo po ashtu Mayweather dhe McGregor do të ndeshen, por sa kushtojnë biletat e këtij super-meçi?

Telegrafi jua sjell më poshtë disa prej tyre. Por, duhet theksuar se dueli ndërmjet McGregor dhe Mayweather do të zhvillohet me rregulla të boksit, derisa meçet e kaluara kanë qenë me rregulla të MMA.

Royce Gracie dhe Art Jimmerson – 12 nëntor 1993

Boksieri amerikan i peshave të lehta, Art Jimmerson, hyri në një turne UFC. Ai hyri në tetëkëndësh me një dorëz boksi në dorën e tij të majtë, ndërsa në të djathtën nuk mbante dorëz. Në atë duel, Jimmerson u mposht nga aplikuesi i ‘jiu jitsu’ braziliane, Royce Gracie.

Ray Mercer dhe Tim Sylvia – 13 qershor 2009

Kur Ray Mercer dhe Tim Sylvia u morrin vesh të duelonin në vitin 2009, u besua se ishte një meç boksi ndërmjet dy veteranëve – Mercer ishte një ish-kampion boksi në kategorinë e peshave të rënda, derisa Sylvia ishte kampion i UFC në peshat e rënda. Mirëpo, Komisionin atletik i Neë Jerseyt vendosi ta ricaktonte si një duel MMA. Mercer boksi dhe meçi nuk zgjati shumë. Ai e nokautoi Sylvian pas nëntë sekondash.

Randy Couture dhe James Toney – 28 gusht 2010

Ish-kampioni i botës, James ‘Lights Out’ Toney është ndër emrat më të mëdhenj nga bota e boksit që u ndesh me një yll të MMA, ndërsa meçi u zhvillua në kafaz dhe jo në ring boksi. Randy ‘The Natural’ Couture kishte qenë kampion i UFC edhe në pesha të rënda dhe në pesha të lehta. Couture e mposhti boksierin Toney pas tri minutash e 19 sekondash nën rregullat e UFC. /Telegrafi/