Fanella e Real Madridit më e kërkuara në botë – lë mbrapa klubet evropiane

Fanella e Real Madridit ka lënë pas vete fanellat e çdo klub tjetër në botë, për të qenë më e kërkuara në platformën e njohur Google.

Çdo herë veshjet marrin më shumë rëndësi në botën e sportit. Në një shoqëri ku estetika dhe pamja vizuale kanë dalë në pah, fanellat e klubeve të futbollit janë kthyer në një element qendror që bashkon ekipin me tifozin.

Por, jo të gjithë janë njësoj të suksesshëm. Në varësi të dizajnit, vëllimit të masës sociale të klubit dhe rrënjëve midis tifozëve, fanellat janë pak a shumë të kërkuara.

Kjo është ajo që kompania Boohooman ka analizuar në një studim përmes Google Keywords Planner.

Lexo po ashtu Real Madridi prezanton fanellën e parë për sezonin e ri, thjeshtë fantastike

Real Madridi numër një në botë

Pavarësisht largimit të shumë yjeve të saj si Cristiano Ronaldo, Sergio Ramos dhe Karim Benzema, fanella e bardhë vazhdon të jetë më e kërkuara në mbarë botën me 416,000 kërkime në 12 muajt e fundit.

Ajo veshje e pacenuar me nuanca të arta vazhdon të vendosë Real Madridin në numrin një në botë në kuadër të fanellave.

Aktualisht, ka yje të tjerë që e veshin atë, por lojtarët si Vinicius Jr, Luka Modric apo Jude Bellingham kanë shumë tërheqje mes tifozëve Los Blancos.

Prandaj, skuadra Chamartin nuk ka zbritur nga maja e klasifikimit, duke lënë pas vete klube si Manchester United, Liverpoo, Barcelona dhe Paris Saint-Germain.

Lista e 10 fanellave më të kërkuara:

1.Real Madrid: 416,000 kërkime

2.Manchester United: 390,000 kërkime

3.Liverpool: 365,000 kërkime

4.Arsenal: 358,000 kërkime

5.Paris Saint-Germain: 296,000 kërkime

6.Barcelona: 290,000 kërkime

7.Manchester City: 245,000 kërkime

8.Chelsea: 193,000 kërkime

9.Ajax: 117,000 kërkime

10.Juventus: 91,000 kërkime

/Telegrafi/