Familjet e pengjeve izraelite protestojnë në parlamentin e Izraelit

Këto janë pamjet e një proteste brenda Knessetit të Izraelit – ose parlamentit – sot nga familjet dhe mbështetësit e pengjeve izraelite.

Më 7 tetor të vitit të kaluar, Hamasi sulmoi Izraelin, duke vrarë 1200 njerëz dhe duke marrë peng 253.

Shumë u liruan gjatë një armëpushimi të shkurtër në muajin nëntor, por mendohet se rreth 100 pengje dhe eshtrat e 30 të tjerëve mbahen ende nga grupi militant palestinez.

Lexo po ashtu Dëmet në infrastrukturën e Gazës vlerësohen në 18.5 miliardë dollarë

Udhëheqësi i opozitës izraelite, Yair Lapid shprehu simpatinë për anëtarët e familjes dhe dënoi qeverinë për trajtimin e çështjes, raporton skynews.

“Këto janë familjet e pengjeve që ju i braktisët, të cilët u bënë robër në tunelet e Hamasit nën vëzhgimin tuaj. Nuk ka asnjë vend tjetër në botë ku kjo qeveri do të kishte mbetur në pushtet më 8 tetor. Është turp për breza që keni mbetur në pushtet, por nëse do të qëndroni në pushtet, atëherë kujdesuni për robërit dhe familjet e tyre”, pohoi ai.

Ndryshe, gjatë muajit të kaluar Izraeli ka liruar disa të burgosur palestinezë në këmbim të pengjeve izraelite. /Telegrafi/

Chaos inside the Israeli Parliament in Jerusalem. #Israel pic.twitter.com/c9uPzns8St

— sansadflix (@sansadflix) April 3, 2024