Familjarët e të masakruarve në Luboten kujtojnë ende tmerrin (Video)
15 vjet dhimbje. 15 vjet trishtim. 15 vjet kujtime të mbushura me trishtim, ankth dhe trauma nga dita e 12 gushtit të vitit 2001, kur në fshatin Luboten të Shkupit, u zhvillua operacioni i ndërhyrjes së forcave maqedonase të sigurisë, ku u vranë dhjetë civilë shqiptarë. Në mesin e të vrarëve ishte edhe fëmija 6 vjeçar, Erxhan Aliu. Familjarët e Erxhanit edhe sot kujtojnë momentet trishtuese të ditës së masakrës së këtij fshati. Humbja i fëmijës 6 vjeçar për familjen Aliu është një plagë që nuk do të mbyllet asnjëherë.
“Në ora pesë atë ditë në premten e kanë vrarë në rrugë, e kanë sjellë të vdekur në shtëpi. Edhe në shtëpi brenda ka rënë një granatë. Keq shumë, si njeri i vdekur kur vjen në shtëpi, keq, por nuk ke çfarë të bësh”, tha gjyshja e Erxhanit, Naxhie Aliu.
Vitet kalojnë ndërsa dhimbja rritet çdo ditë e më shumë.
“Djali ka qenë 5 vjet e gjysmë. E kemi mbajt gjithë natën në shtëpi dhe të nesërmen e kemi varros në oborr pastaj pas një jave e kemi varros tek varrezat. Te punkti e kanë marrë axhën dhe babanë e tij”, thotë lokja Naxhie për Tv Shenja.
Ndërkohë, nëna e Erxhanit 6-vjeçar, përderisa kujton me lot në sy ditën e masakrës, thotë se për të asgjë në jetë më nuk ka kuptim.
“Me 10 gusht është vrarë Erxhani. Asgjë nuk ka ndryshu prej atëherë. Asnjëherë askush nuk ka ardhur të na vizitoj. Babain, axhën dhe djalin e axhës së Erxhanit e kanë marrë policia. Axha ka qëndru në arrestim 24 orë ndërsa babain 4 muaj e 10 ditë ka qëndru në burg. Ndjehemi shumë keq kur e mendojmë Erxhanin, të vetmin djalë e kemi Erollin. Nuk di çfarë të them. Si një njeri i verbër ashtu e kemi ne jetën pa Erxhanin”, tha nëna e Erxhanit, Avushe Aliu.
Viktimat e tjerë të masakrës së Lubotenit edhe Dalip Murati, Muharrem Ramadani, Memet Memeti, Rami Jusufi, Xhelal Bajrami, Kadri Jashari, Bajram Jashari, Sulejman Bajrami, Atulla Qaili.
Gjithashtu u dogjën edhe 14 shtëpi të fshatit, ndërsa u arrestuan dhe keqtrajtuan mbi 100 banorë të tjerë të fshatit, me arsyetimin se në fshat ishin të pranishëm pjesëtarë të UÇK-së. Për krimet e kryera ndaj civilëve shqiptarë, Tribunali Ndërkombëtarë për Krime Lufte dënoi me 12 vjet burg ish-pjesëtarin e lartë të forcave të sigurisë maqedonase, Johan Tarçullovski, për vrasje, thyerje të ligjeve të luftës, torturë dhe shkatërrim të pasurisë, ndërsa i akuzuari i parë ish-ministri i Brendshëm, Lube Boshkovski u lirua nga akuza. Tarçullovski pas mbajtjes së 8 viteve burg është liruar./Telegrafi/
Promo
Reklamo këtuLufta Prigozhin - Putin
Më shumëPolicia e Kosovës gjen kamera në rrugët malore në kufirin Kosovë-Serbi
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
FSK trajnohet për automjetet luftarake Vuran
Pas tre fëmijëve, gjendet edhe trupi i pajetë i Alma Arrazit në ujërat e Bunës
Mbi 1 milion qytetarë të regjistruar deri më tani në Kosovë
Gjendet trupi i fëmijës së tretë të mbytur në Lumin Bunë, vazhdojnë kërkimet për Alma Arrazin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'