Vendeve të Ballkanit Perëndimor u është kërkuar të shfrytëzojnë momentumin e krijuar dhe të jenë të gatshme për anëtarësim në Bashkimin Evropian deri në vitin 2030.
Në Forumin Strategjik të Bledit në Slloveni, në panelin me përfaqësues të BE-së dhe kryediplomatëve të gjashtë vendeve të rajonit, u tha se zgjerimi është prioritet në BE.
Këtë e mirëpritën përfaqësuesit e vendeve të rajonit, derisa kërkuan mbështetje shtesë të BE-së ndaj Ballkanit Perëndimor.
Nikoqirja e samitit, ministrja e Punëve të Jashtme të Sllovenisë, Tanja Fajon, tha se tani është momentumi politik për zgjerim të BE-së dhe se këtë duhet ta shfrytëzojnë vendet e Ballkanit Perëndimor.
“Kemi një momentum unik politik. Prandaj për këtë data është diçka që mund të fillojmë të mendojmë ndryshe. Kemi maturitetin dhe krijimtarinë ose kreativitetin politik. Mesazhi se BE-ja do të jetë e gatshme deri në vitin 2030 është historik nëse e shohim në aspektin optimist po themi”, tha ajo.
Në linjë të njëjtë u shpreh edhe përfaqësuesi i Bashkimit Evropian për Ballkanin Perëndimor dhe dialogun Kosovë-Serbi, Miroslav Lajçak.
“Jemi me fokus të plotë te zgjerimi. Mesazhi për rajonit është që mos e humbni këtë mundësi… Ju i bëni detyrat e juaja dhe ne i bëjmë detyrat tona. Kështu e ndjejë unë momentumin”, tha ai, transmeton KP.
Në anën tjetër, zëvendësministrja e Shqipërisë për Evropë dhe Çështje të Jashtme, Megi Fino, tha se deklaratat e presidentit të Këshillit të BE-së, Charles Michel, japin një motivim shtesë për Ballkanin.
Por, ajo tha se duhet pasur edhe afate e orare të përcaktuara, e jo vetëm një datë përfundimtare, vitin 2030.
“Procesi nuk ka qenë asnjëherë i duhur. Ka qenë ose tepër teknik ose tepër politik me çështje bilaterale që pengojnë veprimet, por që po shohim se ka ndryshuar. Në aspektin pozitiv ne kemi mbështetje të plotë sa i përket procesit të integrimit evropian dhe tash procesi po vazhdon”, tha ajo.
Afatin për zgjerim të BE-së për vendet e Ballkanit Perëndimor deri ne vitin 2030 e mirëpriti edhe ministri i Punëve të Jashtme i Maqedonisë së Veriut, Bujar Osmani.
“Ajo deklaratë e djeshme ka pas jehonën e vet në Maqedoni të Veriut. Më pëlqen shumë siç e tha Tanja-si premtimi i Bledit 2030. Kjo është shumë me rëndësi pasi e kemi kërkuar këtë”, tha ai.
Ndërkaq, më skeptik për anëtarësimin e vendeve të Ballkanit Perëndimor në BE u shpreh ministri i Punëve të Jashtme të Serbisë, Ivica Daçiq.
“Nuk ka shumë kuptim që të mbahen organizime të tilla më. Ju nga Brukseli nuk e dini se ne duam të hymë në BE? Do të isha shumë i gëzuar që ju t’i kushtonit më shumë vëmendje në vitet 90-ta para luftës që të ofroni si alternativë integrimin evropian… Para 10 viteve kam qenë këtu me Hashim Thaçin dhe Catherine Ashton kam nënshkruar marrëveshjen e Brukselit dhe nuk zbatohet. Çfarë autoriteti ka BE-ja tash si garantuese e asaj marrëveshje”, tha ai.
Në panel ishte edhe ministrja e Punëve të Jashtme dhe Diasporës, Donika Gërvalla e cila nënvizoi se Kosova është e gatshme për anëtarësim në BE deri në vitin 2030.
Promo
Reklamo këtuLufta Prigozhin - Putin
Më shumëBuleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Server: Qeveria e re e Serbisë me bashkëpunëtorë të sulmit terrorist të Banjskës
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Fundjava e parë pa kufi Kosovë-Shqipëri, qytetarët: Jemi një komb, s’duhet të ketë kurrë kontrolle
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak