Euronews Travel: Riviera shqiptare, “Maldivet e Evropës”

Euronews Travel, ka publikuar një artikull të mirë detajuar ku renditen arsyet se pse Shqipëria dhe vija e saj bregdetare duhen vizituar nga turistët evropianë këtë verë.

Në artikull detajohen plazhet më pikante të Rivierës shqiptare të cilat media prestigjoze i quan si Maldivet e Evropës.

Artikulli i Euronews:

E shtrirë përgjatë deteve Adriatik dhe Jon, vija bregdetare e Shqipërisë 450 kilometra është e mbushur me rërë të artë dhe pyje pishe, por shumë pak turistë të huaj.

Dashamirët e plazhit duhet të bëjnë një vizitë në gjithë rivierën shqiptare, ku plazhet me ujërat e tyre të kaltër dhe rërën e bardhë krahasohen me Maldivet.

Ja se si të vizitoni këtë perlë të fshehur të Mesdheut përpara se turmat të zbresin.

E shtrirë përgjatë vijës bregdetare të vendit nga Vlora në Ksamil, Riviera Shqiptare ofron gjithçka, nga vendpushimet e gjalla bregdetare deri te limanet e qeta.

Dhërmiu është një nga plazhet më të gjata dhe më të njohura të Shqipërisë. Çadrat me gjethe palme rreshtojnë bregun e detit.

Baret plot gjallëri shesin birrë për vetëm 1,50 € dhe dhomat buzë plazhit ofrohen duke filluar nga 30 €.

Kur keni nevojë për pak pushim, mund të ecni në vetmi në shtigjet malore të zonës ose të shkoni në Kanionin e Gjipesë aty pranë për një ekspeditë.

Nëse shkoni më në jug dhe do të shpërbleheni me Ksamilin, të cilin përdoruesit e rrjeteve sociale e kanë cilësuar si Maldivet e Evropës.

Plazhet si Pema e Thatë janë bërë të famshme në TikTok për “kasollet” e tyre të plazhit dhe rrjetat e varura mbi det të disponueshme për t’u marrë me qira për vetëm 9 € në ditë.

Nëse nuk ju pëlqen të bëni banjo dielli, shikoni rrënojat e Parkut Kombëtar të Butrintit vetëm pak kilometra larg nga bregu i detit.

Një tjetër atreksion i njohur është Syri i Kaltër, një burim i thellë natyror ujor, që e ka marrë emrin për ngjyrën e tij magjepsëse.

Qyteti bregdetar i Sarandës është vetëm 20 minuta me makinë në veri të Ksamilit me hotele nga 30 euro në natë.

Riviera Shqiptare është ideale për pushime verore me një buxhet të ulët.

Një vakt në një restorant të lirë në Shqipëri kushton mesatarisht 600 lekë (5,50 euro), sipas Numbeo, ndërsa një vakt me tre pjata për dy persona në një restorant të nivelit të mesëm kushton rreth 3,260 lekë (30 euro).

Aktualisht, Aeroporti Ndërkombëtar i Tiranës – dy orë me makinë nga Vlora – është porta kryesore për në Shqipëri. Autobusët nga aeroporti zgjasin rreth tre orë dhe kushtojnë afërsisht 9 €. Një taksi kushton rreth 90 euro.

Është e mundur të merrni trenin nga Rrogozhina në Vlorë. Rrjeti i trenave në Shqipëri pritet të përmirësohet në vitet e ardhshme me një rrjet hekurudhor të shpejtësisë së lartë në ndërtim.

Vlora është planifikuar të ketë aeroportin e saj në vitin 2024, i cili do të mundësonte akses të drejtpërdrejtë në Rivierën Shqiptare. Megjithatë, këto plane nuk janë pa polemika : afërsia e aeroportit me lagunën Vjosa-Nartë – një vendstrehim i rëndësishëm i shpendëve bregdetar – ka çuar në protesta nga aktivistët mjedisorë.

Ju gjithashtu mund të merrni një traget nga Korfuzi në Greqi për në Sarandë në jug të rivierës shqiptare. /Telegrafi/