E plotësuar- Tashmë kur kanë kaluar më shumë se 3 orë që kur EULEX-i bastisi zyret e Organizatës së Veteranëve të Luftës, pjesëtarë të policisë së këtij misioni ende janë duke qëndruar në zyret e OVL e UÇK-së.
Gjatë këtij operacioni është arrestuar kryetari i kësaj organizate, Hysni Gucati i cili pritet të dërgohet në Hagë.
Tashmë para zyrave janë rreshtuar edhe pjesëtarë Policisë së Kosovës nga njësia speciale.
E po ashtu në anën tjetër të rrugës, po qëndrojnë edhe disa qytetarë të cilët kanë kundërshtuar arrestimin e Gucatit. /Telegrafi/
-----
EULEX-i vazhdon të jetë brenda zyrave të OVL e UÇK-së E plotësuar: Bastisjet e EULEX-it në zyret e OVL e UÇK-së që kanë nisur pak orë më parë janë duke vazhduar ende.
Brenda objektit të Organizatës së Veteranëve janë duke qëndruar pjesëtarë të policisë së EULEX-it.
Ndërkaq tashmë është konfirmuar nga avokati Tomë Gashi, arrestimi i kryetarit të OVL e UÇK-së, Hysni Gucati.
Gucati pritet që të dërgohet në Hagë. /Telegrafi/
----
Vazhdon bastisja e EULEX-it në zyret e OVL e UÇK-së E plotësuar: Bastisja nga pjesëtarët e EULEX-it në zyrat e OVL e UÇK-së është duke vazhduar.
Ndërkaq tashmë në vend ngjarje ka arritur edhe avokati i kësaj organizate, Tomë Gashi.
Po ashtu së fundi kanë arritur edhe disa pjesëtarë të Policisë së Kosovës.
Sekretari i OVL e UÇK-së, Faton Klinaku tha se e nëse shteti i Kosovës nuk merr masa, atëherë do të detyrohen siç tha ai “të luftojnë sikurse me Jugosllavinë”.
“Isha në zyre, këta zotëri nuk prezantuan letër për bastisje. Nëse shteti jonë nuk merr masa ndaj këtyre krimineleve, do të na duhet të luftojmë sikurse me Jugosllavinë”, tha Klinaku. /Telegrafi/
---
EULEX bastisë zyrat e OVL-UÇK-së
Pjesëtarë të EULEX-it, pak minuta më parë kanë bastisur zyrat e Organizatës së Veteranëve të Luftës.
Aty janë parë disa policë të cilët janë futur edhe brenda zyreve, kurse ende nuk dihet arsyeja. Kujtojmë se dje Gjykata Speciale ka nisur arrestimet e para, ku ka arrestuar ish-luftëtarin e UÇK-së, Salih Mustafa.
Telegrafi do t’ju mbajë të informuar për zhvillimet.
