Estonia do ta dëbojë një diplomat rus si kundërpërgjigje ndaj Rusisë ku dëboi një diplomat estonez gjatë javës së kaluar.

Reklama

Ministria e Punëve të Jashtme të Estonisë thirri ambasadorin rus në vend Aleksandar Petrov dhe i dorëzoi një letër, ku thuhet se një diplomat nga Ambasada Ruse është shpallur person non-grata. Diplomati rus pritet të largohet nga vendi.

“Kjo është një përgjigje ndaj dëbimit të konsullit tonë nga Rusia, siç është zakon në diplomacinë ndërkombëtare dhe mbi bazën e reciprocitetit”, njofton Ministria e Jashtme e Estonisë.

Shërbimet ruse të inteligjencës po tradhtohen nga dobësitë e tyre Shërbimet ruse të inteligjencës po tradhtohen nga dobësitë e tyre

Ky dëbim është reciprok pasi Rusia e largoi konsullin e Estonisë në Shën Petersburg javën e kaluar. Rusia tha se diplomati Mart Lätte po merrte “dokumente të klasifikuara”, Ministria e Punëve të Jashtme e Estonisë e kishte dënuar veprimin duke e quajtur si provokim.

Reklama
Reklama

“Shpresojmë që ky episod të mos dëmtojë marrëdhëniet dypalëshe midis Estonisë dhe Rusisë. Estonia vazhdon të jetë e interesuar për marrëdhënie të mira fqinjësore dhe konstruktive. Është për të ardhur keq që Rusia ka zgjedhur një mënyrë jo-miqësore për të komunikuar me Bashkimin Evropian dhe shtetet anëtare të saj”, përfundon deklarata. /Telegrafi/