“Eskalon” Fero, publikon ‘diss’ dhe kërcënon Unikatilin, Getinjon dhe Mozzikun: Nuk ju lëshoj të gjallë asnjërin

Reperi Fero ka disa ditë që po shkakton polemika në rrjetet sociale me reagimet e tij.

Ai ka dalë publikisht kundër reperëve: Unikkatil, Mozzik e së fundmi edhe Getinjo, duke publikuar vazhdimisht kunja kundrejt tyre.

Ashtu siç kishte paralajmëruar, Fero publikoi këngën e tij më të re me titull ”BMW”, e cila vjen si një ‘diss’ ndaj reperëve të lartpërmendur.

Lexo po ashtu Fero nuk ndalet, ofendon rëndë sërish Unikkatilin përmes një videoje tjetër duke paralajmëruar 'diss'

Ai në një video të shkurtër të ndarë me ndjekësit e tij në Instagram, ka ofenduar sërish rëndë Unikkatilin duke i thënë se i nevojiten vetëm 10 minuta në studio për realizimin e një ‘diss’-i të tillë.

View this post on Instagram

A post shared by FERO (@ferofera)

Por reperi nga Gjilani nuk u ndal, pasi ai publikoi një tjetër video, ku shihej me veturën e tij luksoze rrugëve të qytetit të tij të lindjes, duke mos i kursyer sharjet e vazhdueshme ndaj kolegëve të tij.

“Në çdo vend, kudo më keni, mos gjeni arsyetime para publiku ‘jo s’mund ta gjej’, shumë e lehtë është, s’ka njeri që s’më sheh në Gjilan duke u sillur. Do vdesim, ja unë ja ju, njëri – nuk iu lëshoj të gjallë”, thotë ndër të tjerash reperi në një video, ku shihet duke eskaluar komplet.

View this post on Instagram

A post shared by FERO (@ferofera)

Një situatë e tillë e krijuar nga Fero është parë nga një numër i madh komentuesish si një tentativë për të tërhequr vëmendjen e publikut.

Vet reperi nuk ka dhënë ndonjë arsye konkrete se pse e ka nisur këtë konflikt, apo nëse ka pasur apo jo debate reale me reperët: Unikkatil, Mozzik dhe Getinjo /Telegrafi/