“Është një ëndërr që u prish” – De Ligt beson se Ajaxi nuk e meritonte eliminimin nga Liga e Kampionëve

Kapiteni i Ajaxit, Matthijs de Ligt ndihet i trishtuar pas eliminimit në fund të ndeshjes nga Tottenham Hotspur në gjysmëfinale të Ligës së Kampionëve.  

Ajaxi ishte duke udhëhequr 2-0 në pjesën e parë ndaj Tottenhamit, por në pjesën e dytë gjithçka u përmbys, me dy gola të shpejt nga Lucas Moura dhe një tjetër në minutat shtesë.

Kjo humbje në minutat shtesë ka thyer zemrat e lojtarëve të Ajaxit, të cilët dhuruan emocione në çdo ndeshje të kësaj gare dhe njëri nga ta është kapiteni de Ligt.

Lexo po ashtu Dramë e madhe në ‘Johan Cruyff Arena’ - Tottenham shënon në aksionin e fundit për të kaluar në finale

“Kur e shihni gjithë lojën, e shihni se ne nuk e merituam të eliminohemi. Ne dhamë gjithçka në pjesën e parë, por jemi jashtë gjithsesi. Është e pabesueshme”, ka thënë fillimisht De Ligt për Veronica.

“Është një ëndërr që u prish. Do të kisha dashur të luaja finalen, por nuk po ndodh”.

“Ne u rrëqethem nga mënyra se tifozët tanë brohorisnin për ne pas përfundimit të ndeshjes. Është e vështirë të thuhet tani, por ne duhet të ecim përpara”.

“Ende duhet të luajmë dy ndeshje për të fituar titullin [në Holandë]. Kjo është më e rëndësishmja tani”.

Lexo po ashtu Edicioni më i çmendur në histori të Ligës së Kampionëve – rikthime, gola dhe emocione pa fund

“Në pjesën e dytë ne nuk ishim më në gjendje të vendosnim presion, kështu që Alderweireld mund të shkonte përpara dhe Trippier kishte shumë kohë për të sjellë topin në pjesën tonë”.

“Ne nuk kishim asnjë përgjigje për këtë. Ne mbijetuam për një kohë shumë të gjatë, por i dhuruar golat shumë ngathët”, përfundoi kapiteni i Ajaxit. /Telegrafi/