Në vendin e festivalit “Nova” në jug të Izraelit, ku u organizua një sulm vdekjeprurës nga persona të armatosur të Hamasit më 7 tetor, familjet dhe miqtë e pengjeve izraelitë filluan një marshim të gjatë drejt Jerusalemit.
Vendi i festivalit, afër Kibbutz Re’im, është vendi ku qindra izraelitë u vranë dhe qindra të tjerë u tërhoqën zvarrë në Gaza.
Marshuesit, duke mbajtur fotografi të atyre ende të zhdukur, po kërkojnë që qeveria e tyre të bëjë më shumë për të sjellë në shtëpi 134 pengjet e mbetura.
Shpresat e tyre janë rritur nga bisedat për një armëpushim në Kajro dhe Paris, shkruan bbc.
“Njëqind e dyzet e pesë ditë dhe netë të pafundme të mallit për të dashurit tanë”, tha Ronen Neutra, duke iu drejtuar turmës.
Djali 22-vjeçar i Ronen, Omer, ndodhet diku në Gaza.
“Ne u dërgojmë forcë dhe u kërkojmë të qëndrojnë pak më gjatë. Omer, edhe pak. Një marrëveshje është e mundur”, tha ajo.
Që kur ndërmjetësit amerikanë, egjiptianë dhe të Katarit u takuan fundjavën e kaluar në Paris, shtypi izraelit ka qenë plot me fjalë për një marrëveshje për të ndalur luftimet.
Asnjë dokument nuk është bërë publik, që përshkruan propozimet e fundit, por kur presidenti amerikan, Joe Biden tha se një marrëveshje mund të arrihet deri të hënën, spekulimet vetëm u shtuan.
Por si mund të duket një marrëveshje?
Mendohet se një armëpushim mund të zgjasë për gjashtë javë, kohë gjatë së cilës 40 pengje izraelite do të liroheshin gradualisht. Së pari do të liroheshin civilët dhe ushtarët gra.
Në këmbim, rreth 400 të burgosur palestinezë, disa prej tyre të dënuar për vepra të rënda terroriste, do të liroheshin nga burgjet izraelite.
Ushtarët izraelitë mund të largohen prej zonave më të populluara të Gazës dhe disa nga 1.8 milion palestinezët e zhvendosur shkaku i luftimeve mund të jenë në gjendje të kthehen në shtëpitë e tyre në veri.
Por, me bisedimet që vazhdojnë në Katar – ku ndërmjetësit egjiptianë dhe arab po kalojnë ndërmjet delegatëve izraelitë dhe të Hamasit – është e qartë se shumica e çështjeve janë ende në ajër.
Raportet sugjerojnë se ka ende mosmarrëveshje për numrin e të burgosurve palestinezë të liruar për çdo peng izraelit.
As nuk mendohet të ketë marrëveshje për largimin e ushtarëve izraelitë apo kthimin e palestinezëve në shtëpitë e tyre.
Por, Haim Tomer, ish shef i divizionit të Mossad, me përvojë në negociatat e mëparshme, tha se ishte optimist.
“Unë mendoj se jemi shumë afër”, tha ai duke shtuar se “nuk po them se me siguri do të shohim lirimin e pengjeve dhe të burgosurve palestinezë. Por, mendoj se negociatat po shkojnë përpara”.
Ai citoi komentet e liderit të Hamasit me bazë në Katar, Ismail Haniyeh, i cili tha të mërkurën se grupi mund të zbusë pozicionin e vetë për një marrëveshje.
“Çdo fleksibilitet që ne po tregojmë në negociata”, tha ai në një fjalim televiziv, “është për të mbrojtur gjakun e popullit tonë dhe për t’i dhënë fund dhimbjeve dhe sakrificave të tyre të mëdha në luftën brutale të shfarosjes kundër tij”.
Haniyeh vazhdoi duke thënë se Hamasi ishte i gatshëm të vazhdonte të luftonte nëse është e nevojshme dhe ai u bëri thirrje palestinezëve në Bregun Perëndimor dhe Jerusalem që të sfidojnë kufizimet izraelite dhe të marshojnë në xhaminë al-Aqsa të Jerusalemit gjatë muajit të shenjtë mysliman të Ramazanit.
Referenca për “fleksibilitetin” tregoi se Hamasi mund të rishqyrtojë kërkesat – një përfundim i plotë i luftimeve dhe tërheqja totale e trupave izraelite nga Rripi i Gazës – të cilat kryeministri izraelit, Benjamin Netanyahu i ka quajtur “mashtrim”.
Por, Hamasi ende nuk i është përgjigjur zyrtarisht propozimeve të hartuara në Paris.
Nuk dihet gjithashtu se çfarë mendon lideri i Hamasit në Gaza, Yahya Sinwar, për marrëveshjen. Ai u filmua për herë të fundit në një tunel nëntokësor, diku nën Khan Yunis ose Rafah.
Ushtria guerile po asgjësohet ngadalë mbi të dhe qeveria izraelite është zotuar ta arreston atë.
Zyrtarët izraelitë kanë sugjeruar se autoriteti i Sinwarit ka rënë për toke pas pesë muaj e gjysme bombardime dërrmuese dhe shkaku i vdekjes së dhjetëra mijëra njerëzve të tij.
Raporte të tilla janë të vështira për t’u verifikuar, por një gjë është e sigurt – është gjithnjë e më e vështirë të komunikosh me njeriun që nisi sulmet e 7 tetorit.
Ndërkohë, familjarët dhe miqtë e pengjeve të mbetura janë në rrugë. Ata thonë se do të arrijnë të shtunën në Jerusalem.
A do të marrin lajme të mira kur të arrijnë atje? /Telegrafi/
Lufta Prigozhin - Putin
Më shumë![Eksperti ushtarak rus thotë se Kremlini planifikon sulme bërthamore ndaj anijeve amerikane](https://telegrafi.com/wp-content/uploads/2024/06/Screenshot_18-1-380x233.jpg)
Eksperti ushtarak rus thotë se Kremlini planifikon sulme bërthamore ndaj anijeve amerikane
![Një infeksion](https://telegrafi.com/wp-content/uploads/2024/06/Screenshot_19-1-380x233.jpg)
Një infeksion "potencialisht fatal" ka arritur nivelin më të lartë në Japoni
![Shpërthim i madh në qytetin rus](https://telegrafi.com/wp-content/uploads/2024/06/shperthim-ne-rusi-380x233.jpg)
Shpërthim i madh në qytetin rus
![Pas vapës ekstreme, reshjet e shiut “freskojnë” pelegrinët myslimanë që po i kalojnë ditët e fundit të Haxhit](https://telegrafi.com/wp-content/uploads/2024/06/Screenshot_17-1-380x233.jpg)
Pas vapës ekstreme, reshjet e shiut “freskojnë” pelegrinët myslimanë që po i kalojnë ditët e fundit të Haxhit
![Ukraina](https://telegrafi.com/wp-content/uploads/2024/06/ura-e-krimese-380x233.jpg)
Ukraina "përgatit terrenin" për sulme në Krime pas mbërritjes së aeroplanëve luftarakë F-16
![Komandanti i Forcave Ajrore ukrainase publikon pamje nga aksioni i pilotëve të tyre - i quan “fantazmat e Kievit”](https://telegrafi.com/wp-content/uploads/2024/06/aeroplanet-ukrainas-380x233.jpg)
Komandanti i Forcave Ajrore ukrainase publikon pamje nga aksioni i pilotëve të tyre - i quan “fantazmat e Kievit”
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
![Ofertë e veçantë – vila në Brezovicë ofrohet me zbritje ID-246](https://telegrafi.com/wp-content/uploads/2023/11/Foto-Kryesore-4-380x233.jpg)
Ofertë e veçantë – vila në Brezovicë ofrohet me zbritje ID-246
![Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251](https://telegrafi.com/wp-content/uploads/2024/02/Foto-Kryesore-380x233.jpg)
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
![Çfarë dihet për samitin për paqe në Ukrainë? Cilat shtete nuk e nënshkruan dokumentin final dhe çfarë përfshin ai?](https://telegrafi.com/wp-content/uploads/2024/06/77-380x233.png)
Çfarë dihet për samitin për paqe në Ukrainë? Cilat shtete nuk e nënshkruan dokumentin final dhe çfarë përfshin ai?
![Arjeta Puca, sipërmarrësja që prodhoi makinën e parë të blinduar ushtarake në Shqipëri](https://telegrafi.com/wp-content/uploads/2024/06/arjeta-puca-shota-380x233.jpg)
Arjeta Puca, sipërmarrësja që prodhoi makinën e parë të blinduar ushtarake në Shqipëri
![Shuma marramendëse e parave që skuadra e Anglisë do të marrë nëse fiton në Euro 2024](https://telegrafi.com/wp-content/uploads/2024/06/Screenshot-2024-06-16-234305-380x233.png)
Shuma marramendëse e parave që skuadra e Anglisë do të marrë nëse fiton në Euro 2024
![Lojtarët e Zvicrës festuan fitoren me familjarët e tyre - të afërmit e Granit Xhakës në tribuna, spikat gruaja shqiptare e Renato Steffen](https://telegrafi.com/wp-content/uploads/2024/06/zvicraa-1212-380x233.jpg)
Lojtarët e Zvicrës festuan fitoren me familjarët e tyre - të afërmit e Granit Xhakës në tribuna, spikat gruaja shqiptare e Renato Steffen
![Shqiptarët dhe serbët u përleshën në qendër të Gelsenkirchen](https://telegrafi.com/wp-content/uploads/2024/06/received_3780016698894855.jpeg)
Shqiptarët dhe serbët u përleshën në qendër të Gelsenkirchen
![UEFA hap procedurë disiplinore ndaj Shqipërisë pas ndeshjes me Italinë](https://telegrafi.com/wp-content/uploads/2024/06/277e61be-e600-4d3e-9acf-37a15a3ed825.jpeg)
UEFA hap procedurë disiplinore ndaj Shqipërisë pas ndeshjes me Italinë