“Është ëndërr e bërë realitet, do të luaj për një klub të madh” – Ernest Muçi pritet nga shumë tifozë në Stamboll

Ernest Muçi ka zbarkuar në Stamboll, ku është pritur nga një numër i madh i tifozëve të Besiktas me të dal nga aeroporti .

Ai shprehet se është shumë i lumtur që ndodhet te Besiktas, duke shtuar se e ka pasur ëndërr që të jetë pjesë e një klubi të madh, diçka që e ktheu tani në realitet.

“Jam shumë i lumtur që ndodhem këtu. Është një ëndërr e kthyer në realitet për mua që të luaj për një klub kaq të madh. Mezi pres të përshëndetem me të gjithë tifozët, të takoj lojtarët dhe trajnerin. Mezi po pres të filloj. Jam shumë i lumtur që jam pjesë e këtij klubi legjendar në Turqi”.

Ernest Muci 🦅pic.twitter.com/9PlvRvjWyj

— De Marke Sports (@demarkesports) February 9, 2024

“Transferimi? Ndodhi shumë shpejt sipas mendimit tim. Unë isha në hotel, sepse do të luaja ndeshjen e radhës me Legian. Kështu që ndodhi shumë shpejt. Në mëngjes udhëtova drejt Varshavës që të isha këtu”.

“Jam shumë i lumtur që u krye ky transferim. Është një nder për mua që të jem pjesë e një klubi kaq të madh”, ka thënë Muçi.

Lexo po ashtu Milot Rashica i uron mirëseardhje Ernest Muçit te Besiktasi – dyshja do të luajnë së bashku te gjiganti turk

Gjigantët turq do të paguajnë 8 milionë euro për shërbimet e tij, 800 mijë nga të cilat do të shkojnë për Tiranën që ka ruajtur 10 për qind të kartonit.

Yeni transferimiz Ernest Muçi, @AcibademSaglik Altunizade Hastanesi’nde sağlık kontrolünden geçti. pic.twitter.com/ak2IO6dWT2

— Beşiktaş JK (@Besiktas) February 9, 2024

Lojtari do të nënshkruajë një kontratë deri në vitin 2027 dhe do të paguhet 1.8 milionë euro në sezon. /Telegrafi/