LAJMI I FUNDIT:

A është e mundur të ushqehet foshnja me gji me silikon në sisë

A është e mundur të ushqehet foshnja me gji me silikon në sisë

Ja se si implantet mund të ndikojnë në prodhimin e qumështit

Përgjigjja është se shumica e grave me implante në sisë do të jenë në gjendje të ushqejnë foshnjën me gji, megjithëse implantet mund të ndikojnë në furnizimin me qumësht në një farë mase.

– Implantet e sisëve nuk duhet të pengojnë shumicën e grave që të ushqejnë foshnjën me gji, megjithëse ato mund të kenë nevojë të plotësojnë ushqimin e foshnjës nëse implantet e pengojnë foshnjën të marrë ushqim të mjaftueshëm nëpërmjet ushqyerjes ekskluzive me gji, thotë Antonia Kim, Specialiste e Mjekësisë për shëndetin e nënës dhe fetusit, shkruan Healthline.

Megjithatë, ka disa përjashtime, transmeton Telegrafi.

Se a mund të ushqeni foshnjën me gji varet nga gjendja origjinale e gjinjve tuaj para operacionit dhe nga lloji i mundshëm i prerjes së përdorur.

Efekti i silikonit në ushqyerjen me gji

Implantet zakonisht vendosen pas gjëndrave të qumështit ose nën muskujt e gjoksit, gjë që nuk ndikon në furnizimin me qumësht. Megjithatë, vendndodhja dhe thellësia e prerjes së përdorur për kirurgji mund të ndikojë në aftësinë tuaj për të ushqyer me gji. Kirurgjia që mban areolën të paprekur do të thotë se ka më pak gjasa të shkaktojë probleme. Nervat rreth thithave luajnë një rol të rëndësishëm në ushqyerjen me gji. Vetë procesi i ushqyerjes me gji ndikon në hormonet prolaktinë dhe oksitocinë. Prolaktina nxit prodhimin e qumështit të gjirit, ndërsa oksitocina shkakton uljen e tij. Kur këto nerva dëmtohen, ndjesia zvogëlohet. Prerjet e bëra nën gji, përmes sqetullës ose kërthizës do të zvogëlojnë çdo shans për probleme me prodhimin e qumështit.

Kur implantet vendosen direkt në indin e gjirit, presioni që ata ushtrojnë ka më shumë gjasa të bllokojë kanalet e qumështit, duke e bërë të vështirë për gruan të prodhojë qumësht të mjaftueshëm ose që qumështi të rrjedhë lirshëm gjatë ushqyerjes. Kur implantet vendosen nën shtresën e muskujve të murit të kraharorit, ato kanë më pak gjasa të ndërhyjnë në prodhimin ose rrjedhjen e qumështit.

A është e mundur të ushqehet foshnja me gji me implante?

Sipas Qendrave për Kontrollin dhe Parandalimin e Sëmundjeve, nuk ka pasur raporte klinike të kohëve të fundit për probleme tek foshnjat e nënave me implante silikoni. Nuk ka metoda për të zbuluar me saktësi nivelet e silikonit në qumështin e gjirit. Megjithatë, një studim i vitit 2007 që mati nivelet e silikonit (një përbërës i silikonit) nuk gjeti sasi të larta qumështin të nënave me implante silikoni krahasuar me ato pa, raporton Healthline. /Telegrafi/