‘Escobari i Ballkanit’, kush është ministri që shkoi në Dubai me Klement Balilin?

Cili është ministri që ka shkuar në Dubai me Klement Balilin? Deklaratat e ditëve të fundit kanë nxjerrë në dritë detaje të reja të ruajtura deri më tani me fanatizëm nga policia dhe drejtues të qeverisë.

Gazetari Blendi i Fevziu, një shkrim të tijin në faqen “Opinion.al” shkruan për deklaratën e gazetarit investigativ, Artan Hoxha, i cili tha në studion e tij ditën e djeshme se Balili ka udhëtuar kohë më parë në Dubai me një ministër të qeverisë aktuale.

Fevziu ngre pikëpyetje të mëdha se përse fshihet ky fakt dhe se cili është ky ministër që autoritetet e dinë. Ai madje thotë se çështja e Balilit mund të jetë përtej policisë dhe Prokurorisë, pra në nivel qeveritar dhe politik.

“Ajo që është më befasuese në këtë rast, pra në rastin Balili, është fakti se në pingpongun mes institucioneve, faji mbetet jetim dhe përgjegjësi nuk mban askush.

Siç tha edhe dje një jurist i njohur, ky rast ka vetëm dy mundësi: ose Ambasadori Lu di diçka më shumë se sa ajo që dimë ne dhe deklarata e tij vlen për të kuptuar shkallën e inkriminimit në vend; ose Ambasadori Lu nuk njeh ligjet shqiptare dhe ngarkon kot me përgjegjësi Prokurorinë dhe policinë.

Njëra nga këto të dyja duhet të jetë. Publiku le të gjykojë vetë, por institucionet kanë detyrimin të sqarojnë deri në fund atë që po ndodh dhe jo të krijojnë një tjetër mjegull që e shoqëruar me akuzat politike boshe, vetëm sa e fsheh të vërtetën”, shkruan Fevziu.