Ermal Panduri flet për Mozzik: Më shkruante për emisionin, mendoja se ishte fans i televizionit por na doli dhëndër i RTV Dukagjini

Drejtori i RTV Dukagjini dhe prezantuesi i njohur i emisionit “Debat Plus”, Ermal Panduri, ishte i ftuar së fundmi në “Shok Podcast” me Fis Junikun, ku ndau momente interesante nga jeta e tij personale dhe profesionale.

Gjatë bisedës, Panduri u pyet edhe për marrëdhëniet e tij me reperin e njohur Mozzik, i cili është aktualisht në një lidhje me gazetaren e RTV Dukagjini, Lotina Haziri.

Ermali, me shumë humor, tregoi se për një kohë të gjatë kishte menduar se Mozzik ishte një admirues i programit të televizionit, pa e imagjinuar kurrë se reperi do të bëhej pjesë e familjes përmes lidhjes së tij me Lotinën.

“Krejt jetën Mozziku më uronte ditëlindjen e vajzave, ka qenë shumë i sjellshëm. Më thoshte të mos dorëzohem, të mos heq dorë. Më thoshte që shumë mirë ishte edicioni, më pëlqeu kjo, më pëlqeu ajo. Unë krejt jetën kam menduar që e kemi fans të televizionit dhe na doli dhëndër,” tha Panduri me një dozë humori gjatë podcastit.

Ermali per Mozzin ! #fyp #foryou #viral #trending #podcast #talkshow #shokpodcast #bigbrothervipkosova #fisjuniku #bbvk #ermalpanduri #mozzik ♬ original sound – ShokPodcast Watch on TikTok

Kjo deklaratë e tij ka ngjallur shumë të qeshura dhe ka marrë vëmendjen e publikut, duke shfaqur një anë më personale dhe të relaksuar të drejtuesit të njohur të televizionit. Panduri gjithmonë ka qenë i hapur dhe me një qasje të ngrohtë ndaj miqve dhe kolegëve, dhe ky episod në “Shok Podcast” vetëm sa e ka përforcuar këtë imazh.

Mbetet për t’u parë si do të zhvillohen më tej marrëdhëniet midis Pandurit, Mozzikut dhe Lotinës, por një gjë është e sigurt: Mozzik tashmë ka një vend të veçantë jo vetëm në skenën muzikore, por edhe në familjen e RTV Dukagjini. /Telegrafi/