Erdogan takohet me Putinin – mësohet se çfarë diskutuan

Presidenti turk, Recep Tayyip Erdogan u takua sot me presidentin rus, Vladimir Putin në Astana, kryeqytetin e Kazakistanit, ku mori pjesë në samitin e 24-të të krerëve të shteteve të Organizatës së Bashkëpunimit të Shangait.

Presidenti turk ftoi homologun rus për një vizitë në Turqi.

“Përveç kësaj marrëdhënie të ngrohtë mes Rusisë dhe Turqisë, mezi pres t’ju pres në vendin tim sa më shpejt të jetë e mundur”, tha Erdogan. Putini u përgjigj se do të vizitonte patjetër shtetin turk.

“Ne nuk mund të takoheshim me mikun tim të dashur për një kohë të gjatë. Ne ruanim diplomacinë telefonike, por kolegët tanë ishin në kontakt të vazhdueshëm me njëri-tjetrin. Ministrat tanë ruanin komunikimin e tyre”, tha Erdogan.

🇷🇺🇹🇷🤝 Vladimir #Putin ŞİÖ zirvesi marjında Türkiye Cumhurbaşkanı Recep Tayyip #Erdoğan ile görüşüyor pic.twitter.com/ZJumkpHOVX

— RusEmbAnkara (@RusEmbTurkey) July 3, 2024

Ai njoftoi bashkëpunimin bërthamor me Rusinë, “ne do të hedhim hapa seriozë për termocentralet bërthamore. Kemi diskutime për termocentralin bërthamor të Sinopit. Besojmë se mund të bëjmë hapa seriozë në këtë drejtim. Ministri ynë i Energjisë dhe Burimeve Natyrore vazhdon diskutimet me homologun e tij. Ndërkohë, marrëdhëniet mes BOTAŞ dhe GAZPROM vazhdojnë në një atmosferë të sinqertë”.

Presidenti turk u ndal edhe te turizmi, “sa i përket turizmit, për ne ishte shumë e rëndësishme që rreth shtatë milionë turistë të vijnë në vendin tonë. Për ne është e rëndësishme të presim turistë rusë në Turqi. Sinqeriteti ynë në këtë çështje vazhdon me të njëjtën vendosmëri. Ne do të vazhdojmë në të njëjtën mënyrë. Për sa kohë që turistët rusë janë të kënaqur me Turqinë”.

Erdogan është në samitin e 24-të të krerëve të shteteve të Organizatës së Bashkëpunimit të Shangait, ku Turqia është “partner dialogu”, me ftesë të presidentit të Kazakistanit, Kassym-Jomart Tokayev.

Në samitin e SCO-së, ku në rendin e ditës pritet të jenë siguria rajonale, projektet e përbashkëta të infrastrukturës, bashkëpunimi në transport dhe energji, pritet gjithashtu një thirrje për armëpushim për Gazën dhe zbatimin e rezolutave të Kombeve të Bashkuara. /Telegrafi/