Sigurimi i pavarësisë së Agjencisë së Kosovës për Akreditim (AKA) në kuadër të dispozitave ligjore është kusht për ripranimin e kësaj agjencie në Regjistrin Evropian për Siguri të Cilësisë (EQAR), pas përjashtimit që iu bë për shkak të vendimit mbi shkarkimin e anëtarëve të Bordit dhe menaxhmentit të AKA.
Këto komente janë bërë sot në tryezën me temën “Monitorimi i Agjencisë së Kosovës për Akreditim: Sa po e përmbush detyrën e saj në sigurimin e cilësisë së arsimit të lartë?”, organizuar nga Grupi për Studime Juridike dhe Politike, ku u diskutua për performancën e AKA, sfidat dhe problemet që has ky institucion, si dhe rolin e tij mbi sigurimin e cilësisë së arsimit të lartë në Kosovë.
Colin Tuck, drejtor i Regjistrit Evropian për Siguri të Cilësisë (EQAR) ka thënë se sa i përket kushteve që të ripranohet Agjencia e Akreditimit në EQAR, lidhet me autonominë e agjencisë për sigurimin e pavarësisë së saj në kuadër të dispozitave ligjore.
“Sa i përket kushteve që të ripranohet Agjencia e Akreditimit në EQAR lidhet me autonominë e Agjencisë për sigurimin e pavarësisë së saj në kuadër të dispozitave ligjore. Nuk mund të garantojmë se do të rikthehet”, tha ai.
Ai shpreson se gjatë rishikimit në mars të vitit të ardhshëm, Kosova të kthehet përsëri në EQAR.
Ismajl Kurteshi, kryetar i Komisionit parlamentar për arsim, ka thënë se ky Komision është i përkushtuar që Kosova të ketë një Agjenci të Akreditimit të pavarur.
Ai shtoi se gjendja e bazuar edhe në njoftimet që i ka Komisioni, Agjencia pranon shumë të meta të cilat duhet të rregullohet. Shumë kolegje, sipas tij, pranojnë studentë në programet e pa akredituara, që për Kurteshin është skandal dhe mashtrim.
“Disa institucione të arsimit të lartë, private, regjistrojnë studentë në programe të pa akredituara. Kjo është skandal, kjo mënyrë vërtet duhet të ndërpritet , edhe nëse lejohet kështu t’i mashtrojmë të rinjtë tanë, të humbin kohë, të japin para dhe në fund të konstatohet se program I tyre nuk ka qenë i akredituar – dhe ata të konstatojnë pas tri viteve që krejt ajo ka qenë një mashtrim, nuk do të duhej me ndodhë në një shtet që minimalisht funksionon”, ka thënë Kurteshi.
Rreze Hoxha nga Grupi për Studime Juridike dhe Politike, tha se niveli i cilësisë së arsimit në Kosovës është mjaft i ulët dhe pasojat janë të pariparueshme.
“Niveli i cilësisë së arsimit dhe edukimit në Kosovë, është skajshmërish i ulët. Pasojat që po shkaktohen në vazhdimësi dhe pasojat që veç se janë shkaktuar janë të pa evitueshme, shkatërrimtare dhe të pa riparueshme. Të gjitha këto vijnë si mungesë e vullnetit dhe përkushtimit të institucioneve shtetërore si dhe institucioneve vartëse të arsimit të lartë, në mungesë të adresimit të problemeve që ne përballemi çdo ditë”, ka thënë Hoxha.
Ndërsa Gazmend Luboteni kryetar i Këshillit Shtetëror të Cilësisë në Agjencinë e Kosovës për Akreditim tha se nëse arrihet të bëhet ligji adekuat që garanton pavarësi për këtë agjenci, kjo do ta ndihmojë Kosovën të rikthehet në EQAR.
“Është në proces e sipër hartimi i projekt-dokumentit për ligjin e AKA-së. Javën tjetër do të bëhet një draft-projekt fillestar dhe nëse arrijmë këtë ligj ta përfundojmë ndoshta deri në fund të këtij viti, ky do të jetë moment kyç për rikthimin e Kosovës në EQAR. Për shkak se pikërisht për këtë gjë është përjashtuar Kosova nga ky institucion”, tha Luboteni.
Ndryshe, ndërhyrja e politikës në arsim, ka bërë që Komiteti i Regjistrit Evropian për Sigurimin e Cilësisë në Arsimin e Lartë (EQAR) të përjashtojë Agjencinë e Akreditimit të Kosovës në fillim të këtij viti. Kjo ka ndodhur për shkak të vendimit që është marrë për shkarkimin e anëtarëve të Bordit dhe menaxhmentit të Agjencisë së Akreditimit. /KP/
Promo
Reklamo këtuLufta Prigozhin - Putin
Më shumëNumri i serbëve në Kosovë po zvogëlohet, por jo për shkak të “terrorit shqiptar”, Knaus: Pretendimet e tilla të Vuçiqit janë mashtrim
Gazetari britanik tregon nëse mund të ketë luftë në Kosovë dhe Bosnjë
Po kërkoheshin nga Interpoli – policia në Ferizaj sekuestron katër vetura me targa franceze
Biseda telefonike ndërmjet presidentit francez Macron dhe kryeministrit Kurti, anëtarësimi në Këshill të Evropës dhe Asociacioni i komunave me shumicë serbe
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Zgjedhjet presidenciale në Maqedoni - gjithçka që duhet të dini
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert