Nga: Demir Reshiti
Këngëtarja dhe mësuesja e mirënjohur Ymrije Beqaj, këto ditë ka kremtuar ditëlindjen e saj të 65-të. Me repertorin e saj të pasur, sidomos në vijën melodike të traditës dhe origjinës së saj opojane, ajo ka arritur të prezantojë vlerat e njëmendta të kulturës shqiptare, të cilat ruhen edhe sot në fonotekën e Radiotelevizionit të Kosovës.
Lindi në Prizren, më 3 shkurt 1955. Shkollën fillore dhe Normalen i ka kryer në Prizren, ndërsa Pedagogjinë në qytetin e lindjes dhe në Gjilan. Ka punuar si mësuese në Vërmicë e Prizren, dhe një kohë edhe si udhëheqëse e disa emisioneve të Radio Prizrenit. Në vitin 1982 është transferuar në Prishtinë, ku ka punuar fillimisht si zëvendësuese nëpër disa shkolla, ndërsa nga viti 1987 e deri në pensionim (3 shkurt 2020), si mësuese në Shkollën Fillore “Dardania”.
Qysh si fëmijë ka pasur interesim për muzikën, e sidomos për këngët popullore. Këtë e ka vërejtur babai i saj Shyqriu i cili e ka nxitur akoma më shumë që ta dojë këngën. Ymrijes i kujtohet se shpeshherë babai që e përcillte me rrahje shuplakash, teksa ajo këndonte,. Ndërsa, në shkollën fillore “Emin Duraku”, talentin e saj e vëren mësuesja Vera Zivgareviq e cila e merr në korin e shkollës.
Pas shkollës fillore regjistrohet në shkollën normale “Dimitrije Tucoviq” ku për herë të parë, si nxënëse e vitit të parë, paraqitet si soliste. Prezantimin e parë ia ka bërë vëllai Faiku (tashmë i ndjerë), i cili atë kohë ishte në vitin e pestë të Normales. Më pas angazhohet në SHKA “Emin Duraku” të Zhurit dhe në Shoqërinë “Agimi” të Prizrenit. E, më vonë, nga kryetari i Ansamblit “Shota”, Sylejman Shala, merr ftesë që të kalojë aty si profesioniste (këngëtare e valltare).
Në vitin 1972 paraqitet në festivalin “Kosovarja këndon”, ku nga juria vlerësohet me vendin e dytë. Në vitin 1973 debuton në “Akordet e Kosovës” me këngën “Gocat e Kosovës” të kompozitorit Hysen Badivuku, ndërsa në vitin 1976, në po këtë festival, me këngën “Dashuri dhe lot” të Kadri Hysniut.
Janë rreth 20 këngë nga repertori i saj të incizuara nga produksioni i RTP-së si dhe një numër i konsideruar tjerash gjatë paraqitjeve me shoqëritë amatore. Ndër këngët më të dëgjuara (që dëgjohen edhe sot), janë: “Vet më the të due” dhe “Ku ke Rushe”, ndërsa kënga më e dashur për të mbetët “Vajzë e vogël”!
Gjatë viteve 1971-1979 ishte pesë herë në Shqipëri si këngëtare, valltare, moderatore, qitëse (ishte edhe pjesëtare e Shoqatës së Shenjëtarisë së Kosovës)! Në vitin 1979, bashkë me dhjetë këngëtarë të RTP-së – Nexhmije Pagarusha, Liljana Çavolli, Shahindere Berlajolli, Sabri Fejzullahu, Bashkim Paquku, Shpresa Gashi… (Ymrija ishte më e reja) – shkojnë në një turne njëmujor në Shqipëri ku prezantohen me disa koncerte.
Ymrija, edhe gjatë punës së saj si mësuese në shkollën “Dardania” në Prishtinë, ka edukuar e arsimuar disa breza të nxënësve të cilët krenohen që e kanë pasur mësuese! Shumë mesazhe urimi e falënderimi janë nisur në adresë të saj me rastin e pensionimit nga ish-nxënës, nxënës e kolegë të saj të punës të cilët e vlerësojnë lartë punën dhe angazhimin e dhënë në edukimin e brezave të rinj. E kanë quajtur “mësuese hyjneshë e dijes dhe bukurisë”, “mësuese e mirë që inspiron shpresën, nxit imagjinatën, dhe injekton dëshirën për të mësuar”, “mësuese më e mira në aspektin e kulturës, gjuhës, sjelljeve…” etj.
Lufta Prigozhin - Putin
Më shumëFadil Hoxha e Veli Deva, Enver Hoxhës më 1968: Kujdes me Titon, se po na e vështirësoni punën në Kosovë
“Liria e së nesërmes”: A e njeh ky njeri rrugën e paqes mes Izraelit dhe Palestinës?
Aktori Abdurrahman Shala - eprori i dikurshëm i një burgu në Prishtinë, që ndali vrasjet e shqiptarëve!
Përdorimi i fjalëve të huaja dhe disa huazime të sotme në gjuhën shqipe
Thënie të Woody Allenit: "Zoti vdiq (Nietzsche). Nietzsche vdiq (Zoti). Edhe unë hiç mirë s’po ndihem"!
PALCËS
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën