Ëmbëlsirë mikse, e parezistueshme

Përbërësit:

Për çokollatën e bardhë:
▪ 120 gr gjalpë
▪ 250 gr biskota
▪ 380 gr çokollatë të bardhë
▪ 380 ml krem qumështi
▪ 750 gr krem djathi
▪ 1 shkop vanilje
▪ 60 gr sheqer pluhur
▪ 2 fletë xhelatine

Përgatitja: Përziejmë gjalpin me biskotat e thërrmuara dhe e pjekim për 10 min në 180 gradë. Ziejmë kremin e qumështit me vaniljen, shtojmë çokollatën e bardhë, pasi të ketë marrë një valë, shtojmë fletët e xhelatinës të zbutura për 5 min në ujë të ftohtë.
Përziejmë kremin e djathit me sheqerin pluhur dhe ia shtojmë çokollatës.
E vendosim në frigorifer për 2 orë. Në fund e hedhim në forma.

Për kremin e djathit me vanilje:
▪ 100 gr krem djathi
▪ 100 gr krem qumështi i rrahur
▪ 40 gr sheqer pluhur
▪ 1 shkop vanilje

Përgatitja: Rrahim në blender kremin e djathit me vaniljen dhe sheqerin pluhur, e përziejmë me krem qumështin e rrahur.

Për xhelin e mangos:
▪ 100 gr pure mango
▪ 100 ml shurup
▪ 2 fletë xhelatine të zbutura në ujë të ftohtë për 5 min

Përgatitja: Rrahim në blender purenë e mangos me shurupin dhe e vëmë në zjarr. Pasi të jetë nxehur i shtojmë fletët e xhelatinës. E kullojmë në një kullojëse dhe e vendosim në tepsi, e lëmë në frigorifer për 3 orë.

Sfera mangoje:
▪ 24 copa sfera mangoje të prera me lugën e parisienit
▪ 500 ml shurup
▪ 4 fletë menteje të prera hollë

Përgatitja: Ziejmë shurupin me mentën, i shtojmë sferat e mangos dhe e lëmë të ziejë për 6 min, e largojmë nga zjarri dhe e lëmë të ftohet.

Për pure mangoje:
▪ 200 gr mango e prerë hollë
▪ 200 ml ujë
▪ 10 gr xhinxher
▪ 80 gr sheqer

Përgatitja: Ziejmë në zjarr të lehtë të gjithë përbërësit së bashku. E rrahim në blender dhe e kullojmë në kullojëse. Dekorojmë dhe shërbejmë. E nxjerim nga format ëmbëlsirën dhe e vendosim në pjatë.
Vendosim sipër sferat e mangos, vendosim një lugë mus krem djathi dhe nga të dyja anët vendosim xhelin e mangos.
/Telegrafi/