Drejtori ekzekutiv i Tesla-s, Elon Musk ka humbur tashmë 50 miliardë dollarë këtë javë pasi aksionet e Tesla ranë 16% në dy ditë.

Sipas mediave të huaja, përcjell Telegrafi, humbjet masive vijnë pas një sërë titujsh, duke përfshirë postimet në Twitter nga vetë Musk dhe një postim tjetër nga një shitës i famshëm.

Sipas Indeksit të Miliarderëve të Bloomberg në përditësimin e tij të fundit, Musk vlen 288 miliardë dollarë pas humbjeve.

Humbja prej 50 miliardë dollarësh shënon rënien më të madhe dyditore në historinë e indeksit, sipas Bloomberg.

Çmimet e aksioneve të Tesla ranë ndjeshëm këtë javë pasi Musk pyeti ndjekësit e tij në Twitter gjatë fundjavës nëse duhet të shesë 10% të aksioneve që mban për të paguar taksat.

Rezultatet ishin një po, duke bërë që çmimet e aksioneve të Tesla të bien deri në 7% të hënën.

Çmimet e aksioneve të Tesla u vunë nën presion shtesë të martën – duke rënë deri në 12% – pasi shitësi i famshëm Michael Burry sugjeroi në një cicërimë të fshirë tashmë se Musk mund të dëshirojë të shesë aksionet e tij për të mbuluar borxhet e tij personale.

Çmimet e aksioneve u goditën gjithashtu nga lajmet se kushëriri i Musk dhe drejtori i kompanisë EV, Kimbal Musk, shiti mbi 100 milionë dollarë aksione në Tesla javën e kaluar.

Por pavarësisht rënies së mprehtë këtë javë, Musk është ende njeriu më i pasur në tokë, para Jeff Bezos me 82 miliardë dollarë, sipas Indeksit të Miliarderëve të Bloomberg. /Telegrafi/