Ekspertët juridik: Falja nga presidenti për të dënuarit e 27 prillit, nuk është e mundur ligjërisht
Presidenti i shtetit Gjorge Ivanov, nuk ka mundësi ligjore të fal të dënuarit për ngjarjet e 27 prillit, të cilët kanë dorëzuar kërkesa tek ai, thonë ekspertët juridik. Sipas tyre, një veprim i tillë është i pamundur edhe për shkak të procesit zgjedhor.
Ish-kryetari i Gjykatës së Lartë Dane Iliev dhe ministrja e Drejtësisë, Renata Deskoska janë të mendimit se juridikisht është e pamundur që presidenti Ivanov t’i falë të dënuarit për ngjarjet e 27 prillit siç këtë e bëri në vitin 2016 për gjithsej 56 persona të cilët ishin të përfshirë me hetimet e Prokurorisë Speciale Publike.
Iliev në një deklaratë për AIM thotë se nuk ka mundësi ligjore për falje, pasi sipas tij, kjo është procedurë që ka pësuar ndryshime ligjore, ndërsa edhe procesi zgjedhor këtë nuk ia lejon, përcjell Telegrafi Maqedoni.
“Por tek ne e dini, ligji nuk respektohet aq shumë, mund të jetë dhe kjo. Përndryshe, juridikisht mendoj se nuk ka mundësi për një punë të tillë, sepse kjo do të ketë keqpërdorim të të drejtës dhe të autorizimeve të tij si president”, deklaroi Iliev.
Ministrja e Drejtësisë, Renata Deskoska thekson se procedura për falje mund të zhvillohet vetëm përmes Ministrisë së Drejtësisë, prej ku siç thonë, deri më tani nuk kanë arritur kërkesa për faljen e personave për ngjarjet në Kuvend më 27 prill të vitit 2017.
Deskoska thekson se nuk ka mundësi ligjore të zhvillohet procedurë për falje nga ana e presidentit të shtetit.
Edhe kryeministri Zoran Zaev ka thënë se falja nga presidenti i shtetit nuk ka mundësi ligjore të ndodh.
Ndryshe, në kabinetin e Ivanovit janë dorëzuar disa kërkesa për falje nga personat e dënuar për ngjarjet e 27 prillit, kurse kërkesa e fundit ka arritur të premten.
Për dhunën në Kuvend më 27 prill të vitit 2017, më 15 mars të këtij viti në dënim të përgjithshëm me burg prej 211 vitesh janë dënuar 16 persona.
Dënim më të lartë prej 18 viteve ka marrë ish-ministri i Punëve të Brendshme Mitko Çavkov./Telegrafi/
Lufta Prigozhin - Putin
Më shumëSBAShK i kërkon Qeverisë dialog dhe rritje të pagave për së paku 30% – paralajmëron veprime tjera sindikale
“Bjeshka” i bashkohet LDK-së, Abdixhiku: Na priftë e mbara Gjeneral
Cameron flet për vizitën e tij në Kosovë, tregon se çfarë i tha sekretarit të NATO-s lidhur me KFOR-in
Nis protesta e SBAShK-ut, kërkohet rritja e pagave
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Turqia rikonfirmon votën pro anëtarësimit të Kosovës në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës