Ekrani i brendshëm i Google Pixel Fold do të ketë shpejtësi prej 120Hz

Është zbuluar një numër i ri specifikash për pajisjen e palosshme në ardhje të serisë Pixel nga krijuesi Kuba Wojciechowscki në një raport ekskluziv për 91Mobiles.

Google Pixel Fold, do të ketë 2 ekrane, atë të brendshëm dhe atë të jashtëm, dhe që të dyja do të prodhohen nga Samsung.

Ekrani i brendshëm do të ketë rezolucion prej 1840 x 2208, dhe dimensionet e listuara janë 123mm x 148mm, raporton GSM Arena, transmeton Telegrafi.

Sipas Wojciechowscki, ekrani i brendshëm do të ketë ndriçim maksimal prej 1200 nits me ndriçim mesatar prej 800 nits.

Edhe pse nuk ka ndonjë qartësi nga ky burim, ata thonë se shpejtësia e rifreskimit të ekranit mund të jetë 120Hz.

Krijuesi i njëjtë më herët kishte bërë publik harduerin prej 3 kamerave të Felix (emri i koduar për Google Pixel Fold), me kamerën kryesore që do të ketë 64MP, kamera për fotografi ultra të gjerë do të ketë 12MP, ndërsa kamera telefoto do të ketë 10.8MP. Kamera selfie në ekranin e brendshëm do të ketë 8MP.

Google Felix i referohet një pajisjeje të dytë të palosshme. Thuhej se fillimisht Google do të lansonte një pajisje të palosshme në fund të vitit 2021, por që pastaj i hodhi poshtë këto plane, dhe duket se filloi që të punonte në atë që mund të ishte pasardhësi i saj.

Pixel i parë i palosshëm thuhet se do të ketë një grup më modest kamerash, njëjtë si në Pixel 5 dhe një ekran të brendshëm prej 7.6 inçëve. /Telegrafi/