Ekipi i OBSH-së viziton tregun e Wuhanit, ku u zbuluan infeksionet e para të COVID-19

Një ekip ekspertësh i drejtuar nga Organizata Botërore e Shëndetësisë i cili ka filluar hetimin e origjinës së coronavirusit, vizitoi të dielën tregun Huanan, qendra me shumicë e produkteve të detit në qytetin qendror kinez në Wuhan, ku fillimisht u identifikuar ky virus.

Sipas medieve të huaja, përcjell Telegrafi, ky ekip arriti në Huanan të dielën pasdite mes një pranie të rëndë sigurie, me barrikada shtesë të vendosura jashtë një gardhi të lartë blu që po e rrethonte tregun.

Ekspertët e OBSH-së nuk iu përgjigjen pyetjeve të drejtuara atyre nga gazetarët e mbledhur në hyrje. Barrikadat u larguan posa ata kishin hyrë brenda.

Hyrja e publikut në treg është kufizuar rëndë që kur u mbyll në fillim të vitit të kaluar. Para mbylljes, ishte një treg aktiv që përmbante stalla të ndara në seksione për mish, ushqim deti dhe perime.

Disa diplomatë kinezë dhe mediet shtetërore kanë thënë se ata besojnë se ky treg nuk është origjina e virusit duke shprehur dhe mbështetjen e teorive që virusi potencialisht mund të ketë dalë nga një vend tjetër. /Telegrafi/