Egjipti do t’i ndalojë tubimet fetare gjatë Ramazanit, për shkak të coronavirusit

Egjipti do t’i ndalojë të gjitha tubimet fetare gjatë Muajit të Ramazanit, i cili nis pas rreth dy javësh, për të frenuar përhapjen e coronavirusit.

Gjatë këtij muaji, myslimanët zakonisht e prishin agjërimin në perëndim të diellit, pastaj shkojnë në xhami për t’u lutur dhe kalojnë kohë me të afërmit.

Por, pas rekomandimit të ekspertëve shëndetësorë për distancim fizik gjatë pandemisë së coronavirusit, shkruan rel, Egjipti do t’i ndalojë të gjitha tubimet dhe iftaret publike, ashtu si edhe aktivitetet kolektive sociale, tha përmes një deklarate Ministria e Çështjeve Islame e Egjiptit.

Iftaret masive zakonisht organizohen për njerëzit e varfër.

Egjipti aktualisht ka mbi 1,300 njerëz të infektuar me coronavirus, ndërsa mbi 250 pacientë kanë humbur jetën.

Ramazani do të nisë rreth datës 23 prill, varësisht pozitës së Hënës.

Ndryhe, muajin e kaluar, Egjipti ka urdhëruar xhamitë dhe kishat t’i mbyllin dyert për besimtarët, si masë për parandalimin e përhapjes së coronavirusit.