Efekti i koalicioneve mund ta bëj diferencën (Video)

Rezultati i 22 tetorit bëri që në shumicën e komunave të ketë balotazh.

Partitë politike të cilat do të garojnë në raundin e dytë  më 19 nëntor,  tashmë kanë nisur të lidhin koalicione me partitë e tjera politike. Së fundmi është realizuar koalicioni mes VV-së dhe AKR-së në Komunën e Prishtinës.

Ndërkohë, në Gjakovë tri kanë vendosur që të përkrahin Mimoza Kusari – Lilën, përfshirë këu edhe vetëvendosje që është e subjekti i tretë në këtë komunë.

Drejtori i Organizatës ”ÇOHU”,  Arton Demhasaj, deklaron për Tribuna Channel se koalicionet mund të ndikojnë tek një pjesë elektoratit të tyre, si shkak i premtimeve të dhëna ndaj tyre.

Kurse, analisti politik, Haki Abazi, mendon se janë dy lloje të elektoratit, ata të cilët janë të dëgjueshëm dhe partizan ndaj partisë së tyre dhe ata që vërtetë e duan ndryshimin.

Abazi po ashtu deklaron se logjika qeverisëse e cila është në nivel qendror do ta determinoj edhe atë nivel lokal nëpër disa komuna.

Profesori Universitar, Muhamed Kelmendi thotë se partitë politike do të mundohen të bëjnë presion tek elektorati i tyre, për të ndikuar në rezultat.

Megjithëkëtë, disa prej kandidatëve janë deklaruar se do të garojnë të vetëm edhe për të dytën herë. I tillë është Lutfi Haziri (Gjilan), i cili ka thënë se nuk do të bëjë pazare me asnjë subjekt politik.