Qendra kosovare për rehabilitimin e të mbijetuarve të torturës (QKRMT) ka dalë me një deklaratë për media, më saktësisht me një raport nga vizita monitoruese pas rastit të vdekjes së Astrit Deharit.
QKRMT ka gjetur se rasti i Astrit Deharit është evidentuar si tentim vetëvrasje, ndërsa në përshkrimin e rastit është evidentuar se është gjetur me puls dhe frymëmarrje normale.
Lexoni të plotë deklaratën e QKRMT-së:
“Në kuadër të mandatit për monitorimin e vendeve të ndalimit, pas rastit të vdekjes së Astrit Deharit me 05.11.2016, i paraburgosur në Qendrën e Paraburgimit në Prizren, ekipi monitorues në përbërje të dy juristëve dhe dy mjekëve të Qendrës kosovare për rehabilitimin e të mbijetuarve të torturës më 10.11.2016 ka vizituar Qendrën e Paraburgimit në Prizren. Në kuadër të metodologjisë monitoruese, ekipi monitorues ka takuar dhe intervistuar drejtorin e kësaj qendre, stafin civil dhe atë shëndetësor, disa nga të paraburgosurit, si dhe ka konsultuar regjistrat përkatës rreth rastit.
Për shkak të ndjeshmërisë së rastit dhe respektimit të parimit të konfidencialitetit, të dhënat nga vizita monitoruese nuk janë bërë publike, por të njëjta janë përpiluar në raporte të veçanta zyrtare të cilat u janë dërguar institucioneve dhe mekanizmave përkatëse kompetente për hetimin e rastit, duke përfshirë: Prokurorinë Themelore në Prizren, përfaqësuesin ligjor të familjes Dehari dhe Shërbimin Korrektues të Kosovës.
Meqenëse disa nga të dhënat e këtij raporti kanë qarkulluar në opinion apo janë bërë publike, për hir të korrektësisë dhe informimit të drejtë ndaj opinionit, QKRMT ju njofton se në raportin dërguar Prokurorisë janë përfshirë edhe të dhënat si në vijim.
Në evidencat zyrtare të Qendrës së Paraburgimit në Prizren, QKRMT ka gjetur se rasti i Astrit Deharit është evidentuar si tentim vetëvrasje. Ndërsa në përshkrimin e rastit është evidentuar se është gjetur me puls dhe frymëmarrje normale. Po ashtu, në këto evidenca është regjistruar se mjekët e ndihmës emergjente gjatë ndihmës së parë i kanë bërë aspirimin pasi kanë dyshuar se i ndjeri Astrit Dehari “ka pirë diçka”. Këto të dhëna janë evidentuar në dy regjistra zyrtarë në Qendrën e Paraburgimit në Prizren.
Duke marrë për bazë raportin preliminar të autopsisë se Astrit Dehari ka vdekur nga asfiksia, QKRMT ka kërkuar nga Prokuroria Themelore në Prizren që në hetime të përfshihet edhe procesi i ofrimit të ndihmës së parë, për shkak të tri rrethanave të ndryshme që e kanë përcjellë rastin, si:
- evidentimi zyrtar se kishte puls dhe frymëmarrje normale, evidentuar nga infermierja kujdestare e qendrës së paraburgimit, e cila është personi i parë shëndetësorë që e ka parë;
- evidentimi zyrtar se nga mjekët e urgjencës iu është bërë aspirimi për shkak se kanë dyshuar se “ka pirë diçka”, evidentuar nga infermierja kujdestare e qendrës së paraburgimit;
- sipas raportit të autopsisë, shkaktari i vdekjes ka qenë asfiksia.
QKRMT, duke respektuar fazën e hetimeve dhe ndjeshmërinë e çfarëdo informacioni të ndërlidhur, ka paraqitur këto shqetësime dhe ka kërkuar që të konsultohen ekspertë të pavarur për të konstatuar se a është dhënë ndihma e duhur mjekësore nga momenti i parë deri në konstatimin e vdekjes. Në raportin zyrtar të QKRMT-së dërguar institucioneve kompetente, është kërkuar që të hetohen edhe çështje të tjera procedurale lidhur me rastin, për të cilat QKRMT shpreson se do të merren në konsideratë nga organet përkatëse”. /Telegrafi/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Këshilltari i kryetarit shqiptar në Zubin Potok për mediat në Serbi: Lista Serbe e ka fajin për gjithçka
Përshkallëzohet sërish protesta e opozitës, hidhet molotov në derën e Bashkisë
“Kryeministër si 2, si 7, si 27, është ngacmim seksual”, Lëvizja Studentore Feministe me aksion simbolik
QKUK-ja bëhet me skanerin PET/CT, donacion nga organizata "Alwaleed Philanthropies Global" në bashkëpunim me Fondacionin “Jahjaga”
Dorëzimi i donacioni i PET/CT, Osmani takon princeshën Alsaud – flasin për projektet tjera në interes të qytetarëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre