Instituti Kombëtar i Shëndetësisë Publike ka njoftuar se janë konfirmuar 11 të raste të reja me CIVID-19, në vendin tonë.

Rastet pozitive janë raste kontakti nga: komuna e Mitrovicës së Jugut 5 raste (sipas vendbanimit: 5 raste Rekë) nga komuna e Prizrenit 3 raste (sipas vendbanimit: 3 raste Prizren), Leposaviq 3 raste (sipas vendbanimit: Leposaviq 2 raste, Leshak 1).

Përveç kësaj, ky Institut ka njoftuar edhe se 18 pacientë janë shëruar nga sëmundja Covid-19, që shkakton ky virus.

Marrë parasysh të dhënat e fundit deri më tani në Kosovë, 851 persona janë infektuar, 381 janë shëruar edhe 25 kanë vdekur si pasojë e coronavirusit.

Reklama

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.

Reklama

Autoritetet në Kosovë kanë shpallur gjendje emergjente për shëndetin publik me qëllim të parandalimit të përhapjes së sëmundjes COVID-19./Telegrafi/