E thotë kancelari Scholz: Gjermania kërkon të nxisë emigracionin për të ndihmuar në shmangien e mungesës së fuqisë punëtore

Kancelari Olaf Scholz tha të shtunën se Gjermania mund të rrisë fuqishëm popullsinë e saj në vitet në vijim, ndërsa qeveria kërkon të nxisë emigracionin për të ndihmuar në shmangien e mungesës së fuqisë punëtore dhe një krizë në sistemin e saj të pensioneve.

Sipas mediave të huaja, përcjell Telegrafi, Qeveria gjermane po punon për tërheqjen e punëtorëve të huaj, duke e bërë të besueshme një rritje prej 7% të popullsisë në 90 milionë deri në vitin 2070, tha Scholz në një forum qytetarësh në Potsdam, afër Berlinit.

Qeveria gjermane muajin e kaluar ra dakord me planet për të reformuar ligjin e imigracionit, pasi Berlini kërkon të hapë tregun e punës në ekonominë më të madhe të Evropës për punëtorët shumë të nevojshëm nga jashtë Bashkimit Evropian.

Siç thuhet më tej, Qeveria gjermane ka thënë se dëshiron të nxisë imigracionin dhe trajnimin për të trajtuar mungesën që rëndon mbi ekonominë gjermane, me një popullsi të plakur që rrit presionin mbi sistemin publik të pensioneve.

Scholz tha se rritja aktuale e popullsisë, pjesërisht për shkak të rritjes së emigracionit, nënkuptonte se qeveria mund të mos rriste kontributet e pensioneve përpara përfundimit të mandatit të saj në 2025.

Zyra e statistikave të Gjermanisë tha javën e kaluar se popullsia do të rritet me 1 milion në 84 milionë këtë vit për shkak të migrimit nga Ukraina.

Ajo mund të arrijë në 90 milionë në dekadat e ardhshme, nëse emigracioni do të ishte i lartë, shtoi ai. /Telegrafi/