LAJMI I FUNDIT:

E përjashtuara

E përjashtuara

Rishi Sunak ka ardhur në postin e kryeministrit si rezultat i krizës – brenda partisë konservatore – të shkaktuar nga Brexit-i. Tashti, gjithnjë e më shumë është duke u parë se kjo qeveri dhe ky kryeministër janë në krizë serioze.

Kriza është thelluar sidomos me veprimet e sekretares së Brendshme, Suella Braverman, të cilën – sot në mëngjes – Rishi Sunak u detyrua ta përjashtojë nga Qeveria. Në realitet, njerëzit sikur Suella Braverman as që është dashur të jenë në qeveri, por ja që kriza e solli dhe tashti edhe e largoi.

Pikëpamjet e saja raciste ndaj emigrantëve, Suella i ka shprehur qëmoti, por në mënyrë më të hapur e bëri ndaj shqiptarëve të cilët ajo i quajti kriminelë. Pastaj, me këtë qëndrim vazhdoi kundër të gjithë emigrantëve, edhe pse prindërit e saj kanë qenë të tillë.


Kulmi i budallallëkut të saj të rrezikshëm erdhi kur para disa ditësh e urdhëroi shefin e Policisë britanike që t’i ndalonte demonstratat pro-palestineze në Britani, të cilat ishin aq masive saqë rrallë ishin parë – me këtë numër – ndonjëherë në këtë vend. Shefi i policisë u përgjigj me “Jo, nuk marrë urdhra nga ti. Punoj sipas ligjit, dhe ligji nuk i ndalon demonstratat paqësore, sidomos kur policia ka informata se nuk planifikohet dhuna”.

Kjo e egërsoi edhe më shumë Suellën. Përkundër kësaj përgjigje adekuate, ajo e vazhdoi qëndrimin që pa asnjë dyshim kaloi në islamofobi. Madje, shkoi aq larg sa që në demonstratat e mëdha të së shtunës, i inkurajoi elementet e së djathtës ekstreme që të dilnin kundër demonstratës, ku treguan dhunë, ndërsa policia u detyrua t’i arrestonte më shumë se 100 prej tyre.

Përkundër kritikave që mori për këtë qëndrim dhe thirrjeve për dorëheqje, kryeministri Sunak nuk e shihte të arsyeshme që ta largojë. Kështu ishte deri sot në mëngjes kur shtypi, televizionet, intelektualët, politikanët (përfshirë ata të partisë së saj), dolën me presion të madh dhe Sunaku – punën e parë që e bëri sot në mëngjes – ishte përjashtimi i Suellës nga Qeveria.

Një punë tjetër të mirë Rishi Sunak do ta bënte kur do ta përjashtojë edhe veten.

Në trend

Më shumë
Man City nis punën duke ‘hequr qafe’ lojtarin të cilin Guardiola nuk e do më në ekipin e tij

Man City nis punën duke ‘hequr qafe’ lojtarin të cilin Guardiola nuk e do më në ekipin e tij

Premier League
Regjistrimi i popullsisë, në Prishtinë mbi 30 për qind e banesave dhe shtëpive janë të pabanuara

Regjistrimi i popullsisë, në Prishtinë mbi 30 për qind e banesave dhe shtëpive janë të pabanuara

Lajme
Xhelal Sveçla nuk e konsideron të arratisur Enver Sekiraqën, i përgjigjet Faton Hajrizit

Xhelal Sveçla nuk e konsideron të arratisur Enver Sekiraqën, i përgjigjet Faton Hajrizit

Lajme

"Sepse Bana's të ban mirë", Arbana Osmani sjell sipërmarrjen e saj në Prishtinë: Radhën e ka rikthimi në ekran

Butrint Avdyli
Yamal zbulon arsyen e fortë pse fotoja me Messin që u bë virale ishte mbajtur fshehtë nga publiku

Yamal zbulon arsyen e fortë pse fotoja me Messin që u bë virale ishte mbajtur fshehtë nga publiku

Ndërkombëtare
Pse duhet të vendosni një monedhë në frigorifer sa herë largoheni nga shtëpia? Njerëzit u shokuan kur e mësuan arsyen

Pse duhet të vendosni një monedhë në frigorifer sa herë largoheni nga shtëpia? Njerëzit u shokuan kur e mësuan arsyen

A e dini se...
Kalo në kategori