Një shofer francez mund të ketë thyer rekordin për drejtimin më të gjatë të një automjeti pa patentë të vlefshme, sigurim ose kontroll teknik – mbi 28 vjet.

Javën e kaluar, një ndalesë rutinë e trafikut doli të ishte e paharrueshme për një njësi policore në Rhone, Francë.

Pas kontrollit të targave, policia rrugore e tërhoqi mjetin për t'i kryer kontrollin teknik.

Por kjo doli të ishte shkelja më pak e rëndësishme për të cilën ishte fajtor shoferi, përcjell Telegrafi.

Pasi kontrolloi dokumentat e tij, polici kuptoi se automjeti nuk kishte as sigurim, dhe më e keqja, patenta e shoferit ishte hequr në vitin 1997.

Burri i tha rastësisht oficerit se patenta e shoferit i ishte hequr më shumë se 28 vjet më parë pasi ishte kapur duke drejtuar veturën nën ndikimin e alkoolit, dhe ai thjesht nuk ishte shqetësuar për të.

"Së pari, një kontroll i dosjeve zbuloi se automjeti nuk ishte i mbuluar nga sigurimi. Por më pas erdhi koha për të kontrolluar vlefshmërinë e patentës së shoferit. Dhe më pas: surprizë”, tha policia.

“Kulmi i shfaqjes erdhi kur u kontrollua patenta e shoferit: burri kishte vozitur pa patentë që nga 1997”, shton ajo. /Telegrafi/

InteresanteFun