E larguan gjatë verës, por Real Madridi po mendon ta rikthejë mbrojtësin spanjoll në janar

Real Madridi raportohet se po konsideron mundësinë për ta rikthyer në ekip mbrojtësin spanjoll Rafa Marin nga Napoli në janar. 

‘Los Blancos’ pritet që ta përforcojnë ekipin e tyre gjatë afatit kalimtar dimëror, me fazën e mbrojtjes që është bërë një shqetësim për Carlo Ancelottin. 

Kampioni në fuqi i La Ligas momentalisht nuk mund të llogarisë në shërbimet e tre mbrojtësve për shkak të lëndimit, diçka që ka shtyrë italianin të veprojë. 

Ancelotti tradicionalisht nuk është i pëlqimit për të bërë transferime në janar dhe çdo lëvizje e mundshme do të jetë një me kosto të ulët ose huazim deri në fund të sezonit. 

Sipas një raportimi nga e përditshmja spanjolle Diario AS, Marin ka marrë lajmin se roli i tij tek Napoli nuk do të ndryshojë, teksa ai ende nuk ka bërë ndonjë paraqitje në kampionat këtë sezon. 

Marin iu bashkua gjigantit italian nga Real Madridi në korrik pas një periudhe huazimi tek Alavesi në sezonin 2023/2204. 

Sidoqoftë situata tashmë ka ndryshuar dhe Marin mund të joshet që të rikthehet në Spanjë për shkak të mungesës së minutave nga Antonio Conte./Telegrafi/