Protesta e 3,500 shqiptarëve të shtunën përpara parlamentit të Anglisë ka xhindosur politikanët dhe mediet me qasje kundra emigrantëve.

Reklama

Mail on Sunday, gazeta më e madhe e së dielës në faqen e parë, shpalos titullin “Në ditën e përkujtimit të dëshmorëve shqiptarët fyejnë Churchillin”.

Kjo gazetë duke iu referuar një videoje, nga ku poshtë statujës së ish kryeministrit Churchill është vendosur flamuri shqiptar, e komenton këtë si një akt që për veteranët e luftës shihet me pakënaqësi.

Gazetari Sam Merriman, shkruan se protestuesit shqiptarë në mënyrë të paskrupullt e të paturp të rrethuan statujën e Sir Churchill në qendër të Londrës me flamurin e tyre kombëtar.

Reklama

“Protestuesit të mbledhur në kryeqytetin anglez kërkuan me forcë respektimin nga qeveria të drejtave të tyre pas deklarimit të ministres Suela Braverman se “Britania po pushtohet nga emigrantët e jashtëligjshëm” me referencë të drejtpërdrejtë shqiptarët”, thotë Mail On Sunday.

Reklama

Për këtë gazetë ka shkruar një editorial Nigel Farage, udhëheqësi i BREXIT-it ku thotë se “asnjëherë nuk e mendonte të shikonte një nivel të tillë mos-respekti”.

Farage një zë konstant anti-shqiptarë në median britanike posaçërisht në televizionin GB-News shkruan se “ata shqiptarë që janë këtu legalisht ose ilegalë, duke protestuar në Westminster treguan se nuk e kuptojnë kulturën britanike dhe sakrificat në të shkuarën në këtë vend ku ata banojnë”.

Reklama

E ndërsa Farage shpalos shqetësimin për se shqiptarët vendosën flamurin e tyre tek monumenti Churchill, me dashje harron të përmend bashkëkombësit e tij të cilët filmohen vazhdimisht duke urinuar poshtë kësaj statuje apo bojatisur atë me grafiti.

Mail on Sunday pjesë të shkrimit ka edhe protestën e të shtunës nga opozita në Tiranë ilustruar me foton e disa të rinjve që ngritën një gomone me flamurin shqiptar dhe atë anglez.

Reklama

“Shqiptarët i treguan kryeministrit të tyre se ai e ka kthyer Shqipërinë në një vend gomonesh”, thuhet në këtë gazetë.

Arben Manaj, korrespondent i Top Channel në Londër duke komentuar editorialin e Farage thotë se, “një spekulant politik si Nigel Farrage, babai i BREXIT-it, nuk mund të njollosë indinjatën e ligjshme dhe respektin që shqiptarët kanë si komb për një lider si Churchill, monumentin e të cilit shqiptarët e Londrës nuk e njollosën me grafiti, por e mbështollën me gjënë më të shtrenjtë që kanë, Flamurin!”

Reklama

“Më shumë nesër rrugëve të Londrës nëse vazhdojnë me fushatën anti-shqiptare naziskinët e politikës britanike që janë një minorancë e shëmtuar e një kombi të madh si britanikët qe i kanë mik-pritur shqiptarët”, thekson Manaj.

Reklama