E kryer, Roma kompleton sulmin, Artem Dovbyk do të kalojë në kryeqytetin italian

Sipas Sky Sport Italia, Roma sot ka arritur marrëveshje me Gironan për të blerë Artem Dovbyk për 33 milionë euro plus bonuse.

Negociatat përfundimtare u zhvilluan mbrëmjen e sotme në një takim në tokën spanjolle, ku ishin të pranishëm edhe drejtuesit romak Florent Ghisolfi dhe Lina Souloukou.

Ata shpresonin të riktheheshin me lojtarin këtë mbrëmje, por duket se do të duhet të presin deri nesër në mëngjes për të përcaktuar detajet dhe për të nënshkruar kontratat.

Le cifre: https://t.co/dHTruNb6s5

— Gianluca Di Marzio (@DiMarzio) July 31, 2024

Megjithatë, marrëveshja kryesore është arritur dhe është me një kosto prej 33 milionë euro plus bonuse dhe 10 për qind të tarifës së shitjes së ardhshme, sipas ekspertit të transferimeve të Sky Sport Italia, Gianluca Di Marzio.

Kjo është më shumë sesa Girona ishte përgatitur fillimisht të pranonte nga Atletico Madrid, por marrëveshja dështoi sepse ukrainasi e kishte vendosur me zemër se do të luante te Giallorossët.

Qendërsulmuesi mbushi 27 vjeç muajin e kaluar dhe në sezonin e fundit shënoi 24 gola me tetë asistime në 36 paraqitje në La Liga, golashënuesi më i mirë i ligës. /Telegrafi/