E kërkonte vetëm një foto me Messin, por sigurimi e tërhoqi zvarrë tifozin e vogël – argjentinasi u detyrua të ndërhynte

Lionel Messi parandaloi sigurimin të largonte një mbështetës të ri që kërkoi një selfie pas fitores në Superkupën e Francës të PSG-së ndaj Nantes.

Argjentinasi vazhdoi formën e tij brilante përpara sezonit të ri të Ligue 1 duke shënuar golin e parë të ndeshjes, teksa parisienët mposhtën rivalin me rezultat 4-0.

Shtatë herë fituesi i Topit të Artë mposhti portierin e Nantes, Alban Lafont, përpara se ta fuste topin në portën e zbrazët për të kaluar skuadrën e tij në epërsi.

Lexo po ashtu Superkupa e Francës: PSG e mbyll pjesën e parë në epërsi prej dy golash – magjia e Messit dhe mjeshtëria e Neymar bën dallimin

Neymar dyfishoi epërsinë e PSG-së pak para pjesës së parë përpara, me Sergio Ramos që e çoi rezultatin 3-0 me një përfundim të shkëlqyer.

Nantes mbeti më pas në 10 lojtarë kur Jean-Charles Castelletto mori karton të kuq për rrëzimin e Neymar brenda zonës.

Braziliani u ngrit për të shënuar nga pika e bardhë – duke vulosur një fitore komode për PSG-në, e cila fitoi Superkupën e Francës për herë të 15-të.

View this post on Instagram

A post shared by Paris Saint-Germain (@psg)

Pas ndeshjes, një mbështetës i ri u përpoq të bënte një foto me Messin teksa ai po shkonte poshtë tunelit në stadiumin “Bloomfield” në Tel Aviv.

Sigurimi e kapi të riun, duke e larguar nga ish-lojtari i Barcelonës.

Zhurma bëri që Messi të ndalonte sigurimin, dhe ta afronte të riun që të bënin së bashku një selfie. /Telegrafi/

This young fan was being taken away by security but Messi stopped them so the boy take a selfie with him ❤️ pic.twitter.com/MHNfpSs2O0

— R  (@Lionel30i) July 31, 2022