Shtetet e Bashkuara së fundmi i kanë vënë sanksione të reja Koresë së Veriut për shkak të programit të saj bërthamor. Megjithatë, në Korenë e Jugut frika vazhdon të jetë prezente për shkak të një arme më të rrezikshme dhe që është më e lirë të prodhohet – antraksi.
Raportohet se gjatë kësaj jave qeveria e Koresë së Jugut në krye me presidentin dhe zyrtarët e tjerë, janë vaksinuar kundër armëve biologjike, transmeton Telegrafi.
Zëdhënësi i qeverisë ka deklaruar se Qendra koreane për kontroll dhe parandalimin e sëmundjeve, ka blerë 1 mijë doza të vaksinave kundër antraksit që do t’ua jep agjentëve që luftojnë kundër terrorizmit. Ato do t’ju jepen edhe civilëve në rast se i ekspozohen antraksit.
Këto vaksina kishin arritur në zyrat e Qendrës koreane për kontroll dhe parandalim të sëmundjeve gjatë nëntorit, kurse zëdhënësi i qeverisë ka deklaruar se ato ishin porositur nga administrata e kaluar.
Zyrtarë të Koresë së Jugut kanë bërë të ditur se nuk ekziston ndonjë plan konkret që banorët të vaksinohen. Por frika nga sulmi me antraks është ringjallur në kokat e banorëve të Koresë së Veriut, kur një ushtar i Koresë së Veriut që iku gjatë javës së kaluar në Korenë e Jugut, në trupin e tij janë gjetur antitrupa të antraksit, dëshmi kjo që bëri ekspertët të besojnë se ai ndoshta është vaksinuar apo i është ekspozuar antraksit.
Këto pretendime agjencitë e inteligjencës së Koresë së Jugut nuk kanë mundur t’i konfirmojnë. Megjithatë, është një dëshmi që lideri i Koresë së Veriut, Kim Jong-un është duke zhvilluar programin e armëve kimike dhe atyre biologjike. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251