E dashura e Gerard Piques do të jetojë në shtëpinë e dikurshme të Shakiras

Me konfirmimin se Shakira do të jetojë në Miami me fëmijët e saj, shtëpia që ndante me Gerard Piquen në Barcelonë nuk do të jetë më e saja dhe gjithçka duket se tregon se do të jetë e dashura e re e futbollistit, Clara Chia Marti, ajo që do të jetojë në atë shtëpi dhe që ishte një pjesë jetike që ish-çifti të arrinte një marrëveshje pas disa muajsh.

Artistja kolumbiane dhe spanjolli arritën një marrëveshje dhe ndonëse nuk u konfirmua, thuhet se për të pranuar që fëmijët e tij të shkonin për të jetuar në Shtetet e Bashkuara të Amerikës, këngëtarja duhej të hiqte dorë nga shtëpia ku besohet se ish-futbollisti do të jetojë me të dashurën e tij, Clara Chia.

Clara Chia e bindi Gerardin të gjente një zgjidhje në mënyrë që gjithçka të përfundonte në formën më të mirë për ish-çiftin dhe fëmijët e tyre, Milan dhe Sasha.

“E dashura e re dëshiron që të dy të zgjidhin gjërat pa lënduar njëri-tjetrin dhe ajo do të kishte qenë ajo që e kishte bindur atletin të qetësohej dhe të bisedonte për të lehtësuar dëshirat e nënës së fëmijëve të tij”, sipas El Nacional.

Lexo po ashtu Shakira dhe Gerard Pique arrijnë marrëveshje për kujdestarinë e fëmijëve pas një takimi 12-orësh

Pas disa javësh diskutime, ata më në fund arritën një marrëveshje këtë të martë, njoftuan avokatët e tyre, pas më shumë se 12 orësh negociata në shtëpinë e këngëtares kolumbiane.

“Ne duam të komunikojmë se kemi nënshkruar një marrëveshje që garanton mirëqenien e fëmijëve tanë dhe që do të ratifikohet në gjykatë, si pjesë e një procedure thjesht formale. Objektivi ynë i vetëm është t’u ofrojmë atyre sigurinë dhe mbrojtjen maksimale, dhe ne besojmë se privatësia e tyre do të respektohet”.

“Ne vlerësojmë interesin e treguar dhe shpresojmë që fëmijët të mund të vazhdojnë jetën e tyre me privatësinë e nevojshme, në një mjedis të sigurt dhe të qetë”, thanë Shakira dhe Pique në një deklaratë.

Të njëjtit u ndanë në qershor pas 12 vitesh martesë. /Telegrafi/