E ardhmja e tre yjeve të Liverpoolit: Dy po qëndrojnë, një po largohet

Liverpooli po përgatitet për të ardhmen, por fati i tre lojtarëve kryesorë të klubit mbetet i pasigurt, me kontratat e tyre të vendosura për t’u skaduar më 30 qershor 2025.  

Sipas gazetarit David Ornstein, Mohamed Salah dhe Virgil van Dijk janë në diskutime për rinovimin e marrëveshjeve të tyre, ndërsa e ardhmja e Trent Alexander-Arnold mund të jetë më e diskutueshme. 

Mohamed Salah, një nga lojtarët më të rëndësishëm të Liverpoolit në vitet e fundit, ka qenë një figurë kyçe në sukseset e klubit, duke përfshirë fitoren në Ligën e Kampionëve dhe titullin e Ligës Premier, gjë që por synojnë edhe këtë vit.  

Megjithëse ka filluar diskutime për rinovimin e kontratës së tij, asnjë marrëveshje definitive nuk është arritur ende. E njëjta gjë vlen edhe për Virgil van Dijk, kapitenin e skuadrës dhe një nga mbrojtësit më të mirë në botë, i cili ka qenë shtylla e mbrojtjes së Liverpoolit që nga ardhja e tij në 2018. 

Lexo po ashtu Arne Slot emëron tre lojtarë që nuk do të përfitojnë nga periudha e pushimit

Megjithatë, situata e Trent Alexander-Arnold është më e ndërlikuar.   Ai ka tërhequr vëmendjen e disa klubeve të mëdha evropiane, duke përfshirë Real Madridin.  

Klubi spanjoll ka pasur diskutime me anëtarët e ekipit të Alexander-Arnold, duke treguar interesin e tyre për të siguruar shërbimet e tij.  

Kjo ka ngritur pyetje nëse Liverpooli do të jetë në gjendje të mbajë një nga lojtarët më të talentuar të brezit të ri. 

Drejtuesit e Liverpoolit kanë filluar të vlerësojnë situatën dhe planifikojnë të marrin vendime strategjike në muajt e ardhshëm.  

Megjithëse rinovimi i kontratave të Salah dhe Van Dijk duket si një prioritet, e ardhmja e Alexander-Arnold mund të varë nga disa faktorë, duke përfshirë ambiciet e lojtarit dhe ofertat që mund të vijnë nga klubet e tjera. /Telegrafi/