Debati mes Donald Veshajt dhe Ilir Shaqirit ka prekur edhe persona të tjerë, ish-konkurrentë e madje edhe banorë që nuk kanë qenë pjesë e Big Brother VIP.
Bëhet fjalë për Beatrix dhe gruan e Ilirit, të cilat janë bërë pjesë e një debati, ndërsa këngëtarja që ndodhej në studio ka komentuar këtë situatë duke thënë se balerini i di pikat e dobëta të aktorit dhe po i përdor që ta bëjë të ndihet keq dhe të hapë debate.
Beatrix shton më tej, se këtë gjë po e bëjnë të gjithë banorët e tjerë – transmeton Top Channel.
(Foto: Instagram/beatrixramosaj)
“Në këtë pikë të lojës, Iliri po i sjell muhabetet e vjetra, i di pikat e dobëta të Donaldit, duke më përfshirë edhe mua po përdor të gjitha për ta bërë të mos ndihet mirë ose të hapë debate. Edhe nga banorë të tjerë e kam vënë re këtë gjë, aty në lojë çfarë nuk po thonë!”, është shprehur Beatrix.
“Pasi rihapen diskutimet e të kaluarës, Donaldi del jashtë çdo parametri dhe unë nuk i përgjigjem se nuk dua të lëndoj atë që është e dashura e tij”, tha Iliri, por Donaldi këmbënguli që me sjelljen e tij, Iliri e ka bërë të ndihet keq Beatrixën.
“Asnjëherë nuk kam dashur ta ul Ilirin”, tha më tej Donaldi, referuar komenteve për gruan e balerinit, pasi ky i fundit ka rrëfyer se e ka tradhtuar para disa vitesh.
(Foto: Instagram/emanuela_morini)
Ndërkaq, mes dyshes Ilir-Donald nuk kanë munguar as ironitë për njëri tjetrin:Iliri: Unë nuk jam sjellë njësoj si Donaldi kur isha 26 vjeç!
Donaldi: Ti 26 vjeç ke qenë si Pegasusi ke pas krahë! Unë kam ardhur vetëm dhe do dal vetëm! Do luftoj deri në fund për veten time dhe për kauzat e mia!
