Zëvendësministri i Infrastrukturës, Hysen Durmishi, ka thënë se kompania private ‘Sallahu’ që kishte ofertuar si konsorcium me një kompani tjetër në tenderin për rrugën Prishtinë – Podujevë nuk kishte të drejtë për ankesë.
Marigona Osmani, përfaqësuese e kompanisë ‘Sallahu’ që ka ofertuar në këtë tender, ka thënë se fillimisht Ministria e Infrastrukturës nuk ka lejuar qasje në dokumentacionin e kompanive të tjera që kishin ofertuar.
Ajo ka thënë se arsyetimi i Ministrisë ka qenë se si kompani nuk kanë pasur të drejtë të bëjnë ankesë, pasi që sipas arsyetimit, të drejtën për ankesë e ka vetëm lideri apo i autorizuari i konsorciumit.
“Arsyetimin të cilën e ka përdorë autoriteti kontraktues (Ministria e Infrastrukturës) për refuzimin e kërkesës për qasje, në fakt nuk ka qenë arsyetim fare, ka qenë vetëm një shkresë ku thuhet se kërkesa nuk është parashtruar konform LPP-së, pa treguar arsyen pse përkatësisht kërkesa nuk ka qenë e parashtruar sipas LPP-së, ku për këtë jemi drejtuar te Komisioni Rregullativ për Prokurim Publik, te Departamenti i Rregullave dhe Departamenti i Prokurimit, ku kemi ardhë në përfundimin se kërkesa për qasje ka qenë e parashtruar konform LPP-së” – ka thënë Osmani.
“Te kërkesa për rishqyrtim kanë nxjerrë një njoftim për operatorët ku thotë se nuk janë palë nuk jemi përgjigjur, nuk i kemi trajtuar kërkesat e operatorëve ekonomikë, gjë që është një shkelje e rëndë konform rregullores për prokurim publik, për shkak se autoritetet kontraktuese në çdo moment në rast se hasin në paqartësi janë të detyruar që të kërkojnë sqarime nga operatorët ekonomikë lidhur me çdo paqartësi prej tyre” – tha ajo.
Në anën tjetër, zëvendësministri Hysen Durmishi është i bindur se procedura është në rregull.
Ai insiston fillimisht se nuk ka pasur ankesë në Organin Shqyrtues të Prokurimit (OSHP), pasi fillimisht pretendon se nuk kishte ankesë në shkallën e parë, që është vetë Ministria.
“Nuk është e vërtetë kjo, pra nuk ka pasur ankesë në OSHP. Sepse sikur të kishte ankesë në OSHP ne nuk do të mund t’i nënshkruajmë kontratat. Sepse ne funksionojmë me një sistem elektronik të prokurimit dhe në momentin kur ka ankesë, pezullohet procesi. Është e pamundur që të ngarkohen kontratat në sistem. Pra nuk ka pasur ankesë dhe ne i kemi nënshkru kontratat dhe ato kontrata janë në sistemin e e-prokurimit, në të kundërtën nuk do të kishim pasur mundësi edhe sikur të donim” – ka thënë Durmishi.
“Tash në aspektin procedural dhe formal, një qytetar i thjeshtë mund të bëjë ankesë në OSHP, sekretaria mundet me pranu atë dokument që e dorëzon një qytetar. Mirëpo në aspektin e procesit nuk mund të ndikojë në vendimmarrje. Në momentin kur nuk ka ankesë në shkallë të parë, nuk mund të ketë ankesë në shkallë të dytë, rrjedhimisht në OSHP. Ne si autoritet kontraktues e mbyllim procesin” – tha ai.
Ministria e Infrastrukturës ka nënshkruar kontratat për tenderin për rrugën Prishtinë-Podujevë, duke pasur ankesë aktive në Organin Shqyrtues të Prokurimit (OSHP), institucion i cili merret me ankesat e kompanive që aplikojnë nëpër tenderët e institucioneve publike.
Ligji i Prokurimit Publik e përcakton se në momentin kur një kompani pjesëmarrëse në tender dorëzon ankesë në OSHP, procedura e tenderimit bllokohet dhe institucioni që ka hapur tenderin nuk ka të drejtë të vazhdojë dhënien apo nënshkrimin e kontratës.
Vlera totale e kontratave është 35 milionë euro, ndërsa njërin LOT të këtij tenderi në vlerë mbi 8 milionë euro e ka fituar kompania ‘Bageri’, pronarin e të cilit zëvendësministri Durmishi e ka pranuar se e ka shok. Megjithatë, Durmishi e mohon se ka pasur ndikim që ‘Bageri’ të fitojë këtë LOT të tenderit./Kallxo/
Promo
Reklamo këtuLufta Prigozhin - Putin
Më shumëFAZ: Ballkani po mbetet pa popullatë, po popullohet me emigrantë nga Azia
Certifikimi i snajperistëve, Gecaj: Lajm i mirë për Kosovën dhe FSK-në
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Publikohet doracaku zyrtar për dhënien e provimit të patentës së shoferit
Profesori shqiptar nga Londra: Në Britani të Madhe i gjithë spektri politik është pro Kosovës
Polici goditet me veturë, e dyshuara largohet nga vendi i ngjarjes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe