Nga të shtënët me armë pranë një shkolle fillore kanë mbetur të vdekur dy persona dhe një tjetër i plagosur.
Sipas mediave të huaja, përcjell Telegrafi, bëhet fjalë për një ngjarje në Jablonec, Republika Çeke.
Policia thuhet se ka arrestuar një të dyshuar në lidhje me incidentin.
Të shtënat në zonën Smržovka të Jablonecit, një qytet me 40,000 banorë në rajonin e Liberecit, u konfirmuan nga policia e Republikës Çeke në mediat sociale.
Ata thanë: "Aktualisht po trajtojmë të shtënat e raportuara në Smržovka në rajonin e Jablonecit. Ka dy të vdekur dhe një të plagosur rëndë në vendngjarje”.
"I dyshuari është ndaluar dhe nuk ka rrezik të mëtejshëm që kërcënon askënd. Po hetojmë detajet dhe do të raportojmë mbi zhvillimet", ka thënë policia më tej.
Policia shtoi se të shtënat nuk ishin të lidhura me shkollën fillore aty pranë.
"Ne sqarojmë se të shtënat në Smržovka nuk kishin lidhje me shkollën fillore lokale dhe ndodhën jashtë ambienteve të saj. Informacione të mëtejshme do të publikohen pas verifikimit".
Një zëdhënëse e policisë i tha medias lokale se ngjarja ndodhi pranë ambienteve të shkollës në një "zonë të hapur".
Ajo theksoi: "Pak para orës 14:00, morëm një raport për disa të shtëna. Të gjitha njësitë dhe patrullat e disponueshme nxituan në vendngjarje”.
"I dyshuari është në paraburgim dhe zona është aktualisht e sigurt... Duke pasur parasysh operacionet në vazhdim, do të japim informacione më të hollësishme më vonë". /Telegrafi/
