Kafeina ndikon në kimikatet e trurit përgjegjëse për lodhjen dhe stimulon prodhimin e energjisë, e cila zgjat qëndrueshmërinë, por prapëseprapë nuk duhet ta teproni, këshillojnë ekspertët
Përveç këndelljes dhe përshpejtimit të metabolizmit, kafeja është një pije e shkëlqyer para stërvitjes, sepse zvogëlon mundimin dhe lodhjen, konfirmoi një studim i Shoqatës Britanike të Adhuruesve të Kafesë, transmeton Telegrafi.
Rekomandohet të pini dy filxhanë kafe një orë para stërvitjes: do të rrisë qëndrueshmërinë me 30 për qind, stërvitja do të jetë më intensive dhe do të jetë më e gjatë, shkruan “Daily Mail”, përcjell Telegrafi.
Kafeja ju jep qëndrueshmëri
Një filxhan kafe përmban mesatarisht 100 miligramë kafeinë, dhe është optimale të konsumoni 3 deri në 4 miligramë kafeinë për kilogram.
Kështu, një burrë që peshon rreth 61 kilogramë mund të pijë dy gota para stërvitjes. Kjo do t’i japë trupit energji shtesë për t’u stërvitur më gjatë dhe për të bërë më shumë përpjekje.
Sidoqoftë, ekspertët paralajmërojnë se kafeina gjithashtu mund të ketë pasoja negative për trupin, të tilla si pagjumësia, dhimbjet e kokës, ankthi dhe presioni i lartë i gjakut. Prandaj, nuk rekomandohet të teproni me këtë pije të nxehtë.
“Marrja e tepërt e kafeinës mund të rrisë nivelin e homocisteinës në gjak, e cila shoqërohet me goditje në tru dhe sulm në zemër, demencë dhe probleme të fertilitetit,” tha biokimisti Dr. Gill Hart.
Kafeina është e paparashikueshme, kështu që është gjithmonë e rëndësishme të pini ujë gjatë stërvitjes për të parandaluar dehidratimin dhe mbinxehjen e trupit, shtoi nutricionisti britanik Jo Travers.
Hulumtimet e mëparshme kanë konfirmuar se kafeina ndihmon te futbolli dhe disiplinat e vrapimit, ndërsa atletët e përdorin atë sepse rrit qëndrueshmërinë dhe mund të përmirësojë aftësitë motorike.
/Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City