Dua Lipa ngatërron vitet? Me fotografi nga fëmijëria thotë se e nisi këtë dekadë – fansat i shkruajnë të habitur

Këngëtarja e njohur shqiptare me renome botërore, Dua Lipa, së fundmi u bëri të ditur fansave titullin e albumit të saj më të ri, njëherësh të dytit në karrierën e saj.

“Future Nostalgia” mban titullin albumi i saj i ri – titull ky të cilin ajo e ka realizuar edhe tatuazh në krah.

Mes duket domethënia e albumit dhe kuptimi i këngëve të reja ka të bëjë me të ardhmen, dhe nostalgjinë e së kaluarës të Duas, teksa vet artistja është shprehur se albumi i dytë në vetvete shënon një epokë të re në jetën e saj.

Të enjten, Lipa publikoi në rrjetin social Instagram dy fotografi të realizuara në fëmijërinë e saj, ku shihet teksa luan me buzëkuqin e së ëmës.

Lexo po ashtu Dua Lipa kujton kohën kur nuk e pranuan në korin e shkollës - i kishin thënë se nuk dinte të këndonte

Teksa mori shumë komente për faktin se sa fëmijë i ëmbël ka qenë, Dua duket se “ia ka huqur” me mbishkrimin e bërë sipër këtyre fotografive, duke shkruar përbri tyre “Mënyra se si unë e fillova këtë dekadë”.

https://www.instagram.com/p/B5tB599h5n3/

Ndonëse disa nuk u ndalën shumë tek ky detaj, kishte fansa me sy të mbrehtë të cilëve menjëherë u ra në sy konfuziteti që ajo ka krijuar.

Fotografitë e saj duket të jenë të realizuara kur ajo ishte fëmijë, dhe është qartë e kuptueshme se në këto imazhe ajo nuk mund të ishte më shumë se një fëmijë pesë ose gjashtë vjeç.

Ndërkohë, kjo dekadë ka filluar në vitin 2010, atëherë kur Dua ishte 14 vjeçe dhe jetonte ende në Kosovë – por që gjithsesi nuk ishte koha kur u realizuan këto fotografi.

Kështu një numër i madh i komenteve u bënë në drejtim të këngëtares shqiptare, duke e pyetur nëse ka gabuar me qëllim apo pa dashje ka shkruar “dekadë” në vend të fjalës “shekull” ose “milenium”.

“Dua ti ishte 14 vjeçe në fillim të kësaj dekade”, pyeti një fanse.

“A e din që fillimi i kësaj dekade ishte në vitin 2010”, shkroi një tjetër.

“Ti je 24 vjeçe, nuk ka ndonjë mundësi që ti të ishe 13/14 vjeçe në këtë fotografi”, kishte shkruar një tjetër ndjekës.

Ndoshta gabimi i bërë nga artistja ka qenë i qëllimshëm vetëm për të vënë në lojë fansat e saj. /Telegrafi/