Dua dhe Dukagjin Lipa kujtojnë dëbimin e shqiptarëve në Ditën e Refugjatëve: 21 vjet nga spastrimi etnik që forcat serbe kryen në Kosovë

Ditë më parë, më 20 qershor u shënua Dita Ndërkombëtare e Refugjatëve.

Personazhe të famshëm nga mbarë bota kanë kujtuar ata që vuajnë më së shumti në mungesë të kushteve elementare, e që shpesh janë refugjatët në vende të huaja.

Artistja shqiptare me famë botërore, Dua Lipa, është një nga yjet e famshëm të tregut ndërkombëtar, e cila rrjedh nga një familje refugjate.

Familja e saj u shpërngul në Mbretërinë e Bashkuar nga Kosova, në vitet ‘90.

Ka qenë babai i këngëtares, Dukagjin Lipa, ai i cili në një sërë fotografish të prekshme të publikuara në rrjetin social, ku shfaqen refugjatët nga lufta e fundit në Kosovë dhe ata sirianë që Dua vizitoi një vit më parë në Liban, ka shkruar disa fjalë të prekëse për refugjatët.

https://www.instagram.com/p/CBycksHBkyG/

“Dje u kujtuam për një kohë 21 vjet më parë kur mbi një milion shqiptarë nga Kosova u detyruan të dilnin nga shtëpitë e tyre dhe u ndoqën jashtë vendit, gjatë fushatës brutale të spastrimit etnik të kryer nga forcat serbe në #Kosovë. Në çdo #WorldRefugeeDay (Dita Ndërkombëtare e Refugjatëve) dhe çdo ditë tjetër, ne do të qëndrojmë pranë të shtypurve dhe refugjatëve në gjendjen e tyre të vështirë. Bëni Dashurinë, jo luftën”, ka shkruar Dukagjin Lipa në Instagram.

Të njëjtin postim e ka rishpërndarë edhe vet Dua duke bashkëndjerë me babanë e saj për përkujtimin e kësaj dite, që shënon të drejtat e refugjatëve anë e mbanë globit.

Dua përndryshe është lindur në Londër gjatë kohës së qëndrimit të familjes së saj atje, për t’u rikthyer në Kosovës në moshën 11 vjeçare, ku më pas katër vitesh sërish do të rikthehej në vendlindje për një famë jashtë kufijve. /Telegrafi/